ФИФА рейтингида Ўзбекистон 58-ўринда қолди
04 июл 2013 13:17
Новости

ФИФА рейтингида Ўзбекистон 58-ўринда қолди

ФИФА миллий терма жамоаларнинг янги рейтингини эълон қилди.

Унга кўра Ўзбекистон миллий терма жамоаси ўтган худди ойдагидек 58-ўринда қайд этилган. Айни пайтда Миржалол Қосимов шогирдлари 563 очкога эгалар. Таъкидлаш лозимки, терма жамоамиз Осиёда кучли тўртликдан чиқиб кетди.

Осиё қитъасида Япония термаси пешқадам. "Кунчиқар юрт" вакиллари 37-ўриндалар. Австралия эса 40-ўринда. Кучли учликни Жанубий Корея якунлаб берди - 43-поғона. Ўтган ой рейтингда биздан кейин турган Эрон 67-ўриндан 52-ўринга чиқиб олди.

Умумий рўйхатни ҳамон Испания терма жамоаси бошқариб бормоқда. Улардан сўнг Германия ва Колумбия терма жамоалари жой олишган. Кучли ўнликка Конфедерациялар кубоги ғолиби Бразилия қайтгани эътиборга молик. Англия эса аксинча кучли ўнликдан чиқиб кетган.

Тўлиқ рейтинг билан ФИФА расмий сайтида танишиб олиш мумкин бўлади.

Ссылка :

Получайте новости прямо в Telegram!

Рейтинг: