ФИФА Покистонни футболдан четлатди

Бунга сабаб сифатида Покистон ҳукуматининг футболга аралашуви кўрсатилмоқда. Маълумки, ФИФА қонунларига биноан давлатнинг футболга аралашмаслиги, футбол мустақил соҳа сифатида фаолият юритиши керак. Аммо Покистон ҳукумати қоидани бузган ва мамлакатда бу ҳол биринчи марта бўлмаяпти. 

ФИФА Покистон ФФни четлатиш ҳақида кеча қарор қабул қилиб, бугун расман эълон қилди. Энди то қарор ўз кучини йўқотмагунча Покистон футболга алоқадор ҳеч қандай тадбир ёки мусобақаларда иштирок этмайди.