"Фидокор" ва "Строитель Зарафшон" футзал мусобақаларидан четлаштирилди ва ПФЛ қатнашчилари сафидан чиқарилди
26 окт 2022 15:35
Новости

"Фидокор" ва "Строитель Зарафшон" футзал мусобақаларидан четлаштирилди ва ПФЛ қатнашчилари сафидан чиқарилди

Ўзбекистон Профессионал футбол лигасига "Фидокор" ва "Строитель Зарафшон" жамоалари томонидан молиявий ҳолат билан боғлиқ муаммолар сабаб футзал мусобақаларида иштирок эта олмаслик бўйича мурожаат келиб тушди.

"Фидокор" жамоаси 2021/22 йилги мавсумни Биринчи лигада ўтказиб, бирорта ғалабасиз мавсумни сўнгги ўринда якунлаган, қўшимчасига сўнгги тур учрашувларига ташриф буюра олмаганди. "Строитель Зарафшон" жамоаси эса худди шу мавсумни Олий лигада ўтказиб, сўнгги ўринни эгаллагани оқибатида 2022/23 йилги мавсумни қуйи дивизионда давом эттириши керак эди.

ЎзПФЛ Уставининг 4.6-бандига мувофиқ жамоа юқори тоифадаги лигада иштирок эта туриб мусобақадан четлаштирилса, мазкур жамоада янги мавсумни битта қуйи дивизионда бошлаш имконияти бўлиши мумкин эди. "Строитель Зарафшон" эса Биринчи лигада иштирок этиши керак бўлган ҳолатида унда иштирок эта олмаслигини маълум қилди.

Юқоридагилардан келиб чиқиб, ЎзПФЛ Уставининг 4.7-бандига мувофиқ "Фидокор" ва "Строитель Зарафшон" клублари футзал мусобақаларидан четлаштирилди ҳамда Лига қатнашчилари сафидан чиқарилди.

Ссылка :

Источник : pfl.uz

Получайте новости прямо в Telegram!

Рейтинг: