Фердинанд МЮга Кейнни сотиб олишни маслаҳат бермоқда
10 янв 2023 20:12
Новости

Фердинанд МЮга Кейнни сотиб олишни маслаҳат бермоқда

Англия терма жамоаси ва "Манчестер Юнайтед" собиқ ҳимоячиси Рио Фердинанднинг фикрича, "қизил иблислар" "Тоттенхэм" ҳужумчиси Ҳарри Кейнни сотиб олиши керак.

"Манчестер Юнайтед", Кейнга таклиф билан чиқ. "Тоттенхэм" мухлисларидан узр сўрайман, аммо клубингиз ҳеч нарса ютмайди. Ҳарри бу жамоада совринсиз қолиб кетади. Ҳа, сиз унинг учун йирик миқдорда пул тўлашингиз керак бўлади, аммо бунинг эвазига МЮ доимий равишда гол урадиган футболчини олади. Кейн "Юнайтед" учун жуда фойдали бўларди", – деди Фердинанд.

Кейн "Тоттенхэм"да 2011 йилдан бери тўп тепиб келмоқда. Унинг "шпорлар" билан амалдаги келишуви 2024 йилнинг ёзига қадар мўлжалланган.

29 ёшли англиялик футболчи жорий мавсум Лондон клуби таркибида барча турнирлар доирасида 26 та ўйинда майдонга тушиб, 17 та гол урди ва 3 та голга ассистентлик қилди. Transfermarkt портали уни 90 миллион еврога баҳолаяпти.

Ссылка :

Источник : Goal

Получайте новости прямо в Telegram!

Рейтинг: +5