Феликс жароҳати туфайли "Сельта"га қарши ўйинни ўтказиб юборади

Бу ҳақда клуб расмий сайти хабар бермоқда. Португалиялик футболчи Испания чемпионати 35-тури доирасидаги "Сельта"га қарши ўйинда жамоасига ёрдам бера олмайди.

Феликс 3 июль куни Мадридда ўтган 34-тур доирасидаги "Мальорка" (3:0)га қарши ўйинда жароҳат олди. Форвард асосий таркибда майдонга тушди, аммо 54-дақиқада алмаштирилди.

Тиббий кўрикдан сўнг Феликснинг тўпиқ суягида муаммо борлиги маълум бўлди.

Ҳужумчи жорий мавсум Ла Лига доирасидаги 26та ўйинда майдонга тушиб, 6та гол ва 1та ассист қайд этди.