“Фахрийлар кубоги” турнири давом этади. Навбат 50 ёшдан ошганларга

Бу сафар 50 ёшдан ошган фахрий футболчилар соврин учун курашадилар.

Водий минтақасида Андижон ҳамда Наманганлик фахрий футболчилар турнирда иштирок этмасликларини маълум қилишди. Энди финал босиқичига чиқиш учун кураш фақат Қўқонлик ва Фарғоналик фахрийлар ўртасида бўлиб ўтади. Бугун Қўқондаги “Марказий” стадионида Қўқонлик ҳамда Фарғоналик фахрийлар ўртасидаги минтақавий саралаш учрашуви бўлиб ўтди. Об-ҳавонинг совуқ бўлишига қарамай учршув қизиқарли курашларга бой тарзда бўлиб ўтди. Фарғоналик фахрийлар сафида Салим Зокиров (дарвозабон), Рустам Дўрмонов, Зайлобиддин Бурхонов, Шуҳрат Назиров, Фарҳод Эргашев каби футбол фахрийлари майдонга тушишган бўлса, Қўқонликлар таркибида Зоҳид Нурматов, Азамат Ашурматов, Жамолиддин Тожибоев, Муҳаммад Шокиров, Акмал Ортиқов каби мухлисларга яхши таниш бўлган фахрий футболчилар тўп суришди.

Қизиқарли ўтган баҳс 3-2 ҳисобидаги Қўқонликларнинг ғалабаси билан якун топди. Қўқонликлардан голларни Муҳаммад Шокиров, Азамат Ашурматов пенальтидан ҳамда Рустам Турсуновлар киритишди. Фарғоналик фахрийлар жамоасидан эса Шавкат Зияев икки марта мезбонлар дарвозасини ишғол қилди.

Энди 24 ноябрь куни Фарғона шаҳрида ҳар икки жамоа иштирокида жавоб ўйини бўлиб ўтади. Икки ўйин натижасига кўра ғолиб бўлган жамоа Тошкент шаҳрида бўлиб ўтадиган “Фахрийлар кубоги” турнирининг финал босиқичига йўл олади.


Акрамжон Мамадалиев.