Фаррух Шотурсунов: “Нефтчи" билан ўйинга руҳан ва жисмонан тайёрмиз”

Ушбу баҳс олдидан “Суғдиёна” ҳужумчиси Фаррух Шотурсунов билан суҳбатлашдик.

- Жиззахнинг “Суғдиёна” жамоасига қанчалик киришиб кетдингиз?
- Жамоа мени яхши қабул қилди ва бу ерда кўпчиликни таниганим учун қийналмадим. Мураббийимиз Даврон Файзиев билан ишлашимдан ва  “Суғдиёна”да фаолиятимни давом эттираётганимдан хурсандман.

- Навбатдаги турни сафарда Фарғонанинг “Нефтчи” жамоасига қарши ўтказасизлар. Ушбу ўйин олдидан ўз фикрларигиз билан бўлишсангиз.
- Жамоамиз ўйинга руҳан ва жисмонан тайёр. Ушбу учрашувга кўп нарса боғлиқ. Бизга очко керак ва ушбу ўйиндаги натижа турнир жадвалига ҳам таъсир қилади. Мураббийимизнинг барча кўрсатмаларига амал қилиб чиройли ўйин кўрсатишга ҳаракат қиламиз. Маълумки “Локомотив” клубига қарши яхши ўйин кўрсатдик ва бизни қуллаб-қувватлаган барча мухлисларга раҳмат айтмоқчиман. Бу сафар ҳам Жиззах мухлисларини хурсанд қиламиз деган умиддаман.


Дилдора Холбаева суҳбатлашди