"Фанат лига". "Челси" - "Бавария" 3:4

"Фанат лига"да тўқнаш келадиган жамоаларнинг мухлислари ўз билимлари орқали беллашадилар. Шартлар: Тошкент вақти билан 22:30да жадвалдаги илк тўқнашув мавзусида дастлабки савол берилади. Кейинги саволлар 5 дақиқа оралиғида бериб борилади. Саволларнинг умумий сони 4та.

Агар мезбон жамоа мухлиси сифатида жавоб бермоқчи бўлсангиз, жавобдан олдин ёки кейин 1 рақамини қўйинг, агар меҳмон клуб ишқибозлари сафида бўлсангиз жавобга 2 рақамини қўшиб қўйинг. Жамоа рақами қўйилмаган жавоблар ҳисобга олинмайди.

Бугун қуйидаги тўқнашувлар бўлиб ўтади:

"Аталанта" - "Валенсия" 4:3

"Челси" - "Бавария" 3:4

"Лион" - "Ювентус" 4:3

"Наполи" - "Барселона" 3:3

Биринчи баҳс якунига етгач, автоматик равишда кейинги тўқнашувга ўтамиз. Навбатдаги ўйин алоҳида саҳифада ўтказилади.
Қўшимча маълумот: Агар икки жамоа вакили бир дақиқа ичида (01:00-01:59) тўғри жавоб беришса, ҳар бир жамоага 1 баллдан берилади. Мамлакатимизнинг ҳамма ҳудудида ҳам интернет бирдек тез ишламайди.

"Челси" - "Бавария" 3:4

4. Жозе Моуриньо, Гус Хиддинк, Карло Анчелотти, Антони Конте, Маурицио Сарри... Сўнгги йилларда "Челси"ни фақат хорижлик мураббийлар бошқарарди. Френк Лэмпарддан аввалги инглиз мураббий ким эди?
Жавоб: Бобби Кэмпбелл 1988-1991 йилларда фаолият олиб борган.
Тўғри жавоб муаллифлари: Зухриддин Шадиходжаев, MMMReal.

3. "Челси"нинг ҳозирги таркибидаги энг ёши улуғ футболчи ким?
Жавоб: Вилли Кабальеро 38 ёшда
Тўғри жавоб муаллифлари: Sardorbek....Real Madrid, Темурбек Валиев.

2. "Челси" ўзининг дастлабки совринини клубга асос солингандан кейин неча йилдан кейин қўлга киритганди?
Жавоб: 50 йилдан кейин.
Тўғри жавоб муаллифлари: Темурбек Валиев, Хамес.

1. "Челси"да бир рақам доимий банд қилиб қўйилган. Ушбу рақам неччи ва унда қайси футболчи ўйнаганди?
Жавоб: Жанфранко Зола. 25-рақам.
Тўғри жавоб муаллифи: Темурбек Валиев