Европа лигаси. "Иртиш" кейинги босқичда!
11 июл 2013 20:16
Новости

Европа лигаси. "Иртиш" кейинги босқичда!

Қозоғистоннинг "Иртиш" клуби Европа лигаси 1-саралаш босқичидан муваффақиятли ўтди.

Икки нафар ҳамюртимиз тўп тепаётган "Иртиш" Болгариянинг "Левски" клубини жавоб ўйинида 2:0 ҳисобида мағлубиятга учратди. Ўтган ҳафта бўлиб ўтган ўйинда 0:0 ҳисоби қайд этилганди.

Бугунги баҳсдаги ҳисобни ҳамюртимиз Камолиддин Мурзоев очди. Орадан кўп ўтмай Улуғбек Бақоев пенальтидан гол урди - 2:0. Учрашув айнан мана шу ҳисоб билан тугади ва "Иртиш" 2-саралаш босқичига йўл олди.

2-саралаш босқичида "Иртиш" Босния ва Герцеговинанинг "Широки Бриег" клуби билан ўйнайди. Ўйинда 18 ва 25 июль кунлари бўлиб ўтади.

"Иртиш" Павлодар Қозоғистон – "Левски" Болгария 2:0 (2:0, 0:0)
11 июль, «Марказий» стадион
Голлар: 1:0 – 6 Мурзоев, 2:0 – 13, пенальти Бақоев.
Иртиш Павлодар – Котляр, Куцера, Кулибали, Чернишов, Говедарица (Чичулин, 58), Шомко, Юрин (Шабалин, 73), Мухуддинов, Камолиддин Мурзоев (Аяганов, 90), Иванов, Улуғбек Бақоев.
Левски – Илиев, Везалов, Старокин, Мюлдер, Ангелов, Мендес Родригес, Рамон (Велев, 46), Димов, Брю, Жоау Силва (Базиле, 46), Криштовау.
Огоҳлантиришлар: Говедарица (21), Котляр (31), Мухуддинов (35), Иванов (64), Бақоев (67), Мюлдер (72), Илиев (74), Шабалин (78).
Четлатиш: Димов (12).

Бугун Тошкент вақти билан соат 21:00да "Актобе" - "Гандзасар" (Арманистон) учрашуви бўлиб ўтади. Ушбу жамоаларнинг дастлабки учрашувида "Актобе" сафарда 2:1 ҳисобида зафар қучганди. Ушбу жуфтлик ғолиби кейинги босқичда Норвегиянинг "Ходд" клуби билан куч синашади.