ЕВРО-2016. Португалия Европа чемпиони

Евро-2016, Финал
ПОРТУГАЛИЯ - ФРАНЦИЯ 1:0
10 июль. Сен-Дени. "Стад-де-Франс" стадиони.
Бош ҳакам - Марк Клаттенбург (Англия).

Гол: Эдер 109

Португалия: Руй Патрисиу, Пепе, Жозе Фонте, Рафаэль Геррейру, Криштиану Роналду (Рикардо Куарежма 23), Жоау Мариу, Виллиам Карвалью, Ренату Саншеш (Эдер 79), Нани, Седрик Соареш, Адриен Сильва (Жоау Моутинью 66).

Франция: Уго Льорис, Патрис Эвра, Антуан Гризманн, Димитри Пайе (Кингсли Коман 58), Оливье Жиру (Андре-Пьер Жиньяк 78), Блез Матюиди, Поль Погба, Мусса Сиссоко (Антони Марсьял 111), Бакари Санья, Лоран Косьельни, Самуэль Умтити.

Огоҳлантиришлар: С.Соареш 34, Ж.Мариу 62, В.Карвалью 98, Р.Патрисиу 123 - С.Юмтити 80, Б.Матюиди 97, Л.Косьельни 107, П.Погба 115

                                МАТНЛИ ТРАНСЛЯЦИЯ

                                   

Тамом! Португалия Европа чемпиони! Роналду йиғламоқда, йиғлайвер, сен чемпионсан!

122 - Зарбааа, Марсьяллл, тўп Пепега тегди.

118 - Роналду чизиқ ёнига келиб Геррейруга кўрсатма берди.

116 - Португалия қарши ҳужумларни хавфли тус олдирмоқда.

109 - Голлллллллллллллл, гол, гол, гол, гол, гол, гол........ Эдерррррррррр, 1:0. Қойил Эдер.

108 - Зарбааа, Рафаэль Геррейрууу ва дарвоза тўсини Францияни голдан қутқариб қолди.

107 - Косьельни огоҳлантирилди.

106 - Моутиньюдан кичик айёрлик, лекин Матюиди оёғини хавфли кўтаргани учун фол белгиланди.

Криштиану Роналду шерикларини руҳлантириб чиқди. Етакчи!

104 - Зарбааа, Эдеррр ва Льорисдан супер сейв. Эдер бош билан яқин масофадан зарба йўллаган эди.

102 - Португалияликлар тўпни тепиб юборишмоқда.

98 - Тезлик олган Команни йиқитган Карвалью огоҳлантирилди.

97 - Эдерга нисбатан ишлатилган қўполлик учун Блез Матюиди огоҳлантирилди.

95 - Зарбааа, Пепенинг бош билан берган зарбаси дарвоза устунини силаб ўтди, аммо  зарбагача Пепе оффсайдда эди.

94 - Португалия жарима тепади.

Учрашувнинг асосий вақти ўз якунига етди. Энди қўшимча бўлимларни кузатамиз.

90+2 - Зарбааа, Жиняккк ва дарвоза устуни Португалия жонига оро кирди.

88 - Куарежма Косьельнини бўғиб олди, ҳазил тариқасида албатта )

84 - Зарбааа, Сиссокоооодан дахшатли зарба ва Патрисиудан фантастик сейввв.

80 - Зарбааа, Нани кутилмаганда ўнг томондан зарба берди Льорис амаллаб уриб юборди тўпни. Қайтган тўпга Куарежма қайчи услубда зарба берди, Уго ўз ўрнида. Чиройли сейв Льорисдан.

79 - Ренату Саншеш ўрнига Эдер тушди.

78 - Андре-Пьер Жиньяк Жирунинг ўрнига майдонга тушди.

77 - Коман рақибдан осонгина қочиб кетди, аммо унинг узатмаси шеригига етиб бормади.

75 - Зарбааа, Жирууу ва Патрисиудан яна бир ажойиб сейввв. Баракалла Руи.

73 - Саншеш рақибдан қочиб кетмоқчи бўлганда Сиссоко унга имкон бермади.

66 - Португалия таркибида Адриен Силва ўрнига Моутинью тушди.

66 - Зарбааа, Гризманннн, яқин масофадан бош билан салгина ноаниқ зарба берди.

60 - Ўйин темпи тушиб кетди, финал зерикарли ўтмоқда.

58 - Пайе ўрнига Кингсли Коман майдонга туширилди.
54 - Погба узоқ масофадан тўпни тўхтатмай тепди, анча ноаниқ.
51 - Майдон маркази тўлиғича французлар назоратида.
47 - Энди Пепени йиқитишди французлар

46 - Умтити Нанига нисбатан қўполлик ишлатди.

Иккинчи бўлим бошланди.

Биринчи бўлим якунланди. Оғир ва ғалати ўтган бўлим.

45 - Куарежмага тиббий ёрдам кўрсатилмоқда, у ҳам чиқиб кетмасейди. Франция нима қилаяпсан, финал кўрайлик жаноб Дешам... шогирдларингиз бугун рақибни жароҳатлаш учун тушишганми???

44 - Луиш Фигу трибунада ўтирибди, кайфияти аъло даражада деб бўлмайди.

40 - Бугун Жируга деярли барча тўплар ҳаводан узатилмоқда, Фонте эса ҳар сафар Жируни ҳавода зарарсизлантирмоқда.

39 - Фонтенинг бош билан зарбаси юқоридан кетди.

34 - Зарбааа, Сиссокооо ва Патрисиуууу. Руидан ўйиндаги иккинчи сейв.

30 - Сиссокодан чиройли рейд ва бурчак зарбаси. Ҳозирча Франция таркибида энг фаол футболчи айнан Мусса Сиссоко.

27 - Мариунинг бош билан зарбасини Льорис осонгина ушлаб олди.

26 - Тамом, Роналду мураббийдан ўзини алмаштиришни сўради. Пайенинг қўполлиги финални "булғаб" қўйди. Бизга бундай финал эмас, ҳамма таркибда бўлган жангларга бой финал керак... Кришти ўйинни давом эттиришни жуда ҳам истади, аммо жароҳат устунлик қилди, афсуссс... У майдонни кўз ёши билан тарк этди. Ўйинни кузатишда давом этамиз.

20 - Роналду майдонга қайтди, яшавор шоввоз. Баракалла, ҳақиқий жангчи, ўйнашга бўлган иштиёқ жароҳатдан устун келмоқда ҳозирча.

17 -  Роналду ўйинни тугатадиганга ўхшайди, афсус, афсус ва яна афсус..... Финалнинг энг ёрқин юлдузи ўйинни давом эттира олмаслиги мумкин.....

13 -  Португалиянинг чап қанот ҳимоячиси Рафаэль Геррейру бу мусобақанинг ёрқин кашфиётларидан бири бўлди, у чиройли ҳаракат қилмоқда. Ҳааа, Дордмунднинг "Боруссия"си Евродан олдин уни арзонроққа сотиб олишга эришди, ҳозир унинг нархи ошгани аниқ.

10 - Зарбааа, Гризманнинг бош билан зарбасидан кейин Руи Патрисиу супер сейвни амалга оширди.

8 - Роналдуни икки рақиб сиқиб кетди, Пайе бу вазиятда қўполроқ ҳаракат қилган эди.

7 - Гризманннн, ўткир бурчакдан жуда ноаниқ зарба берди.

6 - Энди эса Сиссокодан регби услубидаги зарба, регбича зарбалар бўйича ҳисоб 1:1.

4 - Учрашувдаги биринчи забани Нани берди, Седрикнинг ажойиб узун пасидан кейин Нани зарба берадиган позицияга чиқиб борган эди, аммо у тўпни тепага тепиб юборди.

2 - Пайенинг "навес"ини Фонте боши билан қайтариб юборди.

- Финални Нани бошлаб берди. Кеттиккккк......

- Португалия мадхияси янгради, энди эса Франция давлат мадхияси янграмоқда.

- Давид Гетта ва Сара Ларссон мусобақа мадхиясини бевосита стадионда куйлашди. Стадионда фантастик муҳит ҳукм сурмоқда.

- Франция терма жамоасининг Евро-2016даги ўртача ёши 28 ёшу 246 кун, Португалияда эса 26 ёшу 356 кун. Кўриб турганингиздек, Португалиянинг ўртача ёши кичикроқ.

- Португалия терма жамоасида рекордларни қалаштириб ташлаётган Роналду бор, унинг янгидан-янги "голлари"нинг ҳаммасини санаб ўтишга ҳожат йўқ, олдинги матнлиларда келтириб ўтганмиз. Фақат айримларинигина эслатиб ўтамиз: Кришти Евролар финал босқичида энг ўйин ўтказган футболчи (20 та), у тўртта Европа чемпионатида гол урган ягона футболчи, Платини билан бирга энг кўп гол урган ўйинчи (9 тадан), у 1964 йилдан буён Евроларнинг иккита ярим финалида гол урган биринчи футболчига айланди. Бугун Льорис дарвозасига йўл топа олса, Евроларнинг мутлоқ тўпурарига айланади.

Шунингдек, бугун Португалия таркибидаги Ренату Саншеш Европа чемпионатлари финалида майдонга тушган энг ёш футболчига айланади, бундан олдинги энг ёши Криштиану Роналду бўлган эди. Голурарду 2004 йилги Евро финалида ўйнаганида 19 ёшу 150 кунлик эди. Саншеш эса бугун 18 ёшу 327 кунлигида финалда ўйнайди.

- Франция катта мусобақалар доирасида ўз уйидаги охирги 18 ўйинда мағлубиятга учрамай келмоқда (18 ғалаба ва 2 дуранг). Французлар Оливье Жиру ва Антуан Гризманн гол урганда умуман ютқазишмаган, агар бугун Франция ғалаба қозонса, Европа чемпионатларида ўзининг биринчи учта финалини ютган илк терма жамоага айланишади.    

- ЕВРО-2016нинг ҳал қилувчи учрашувнинг матнли трансляциясини шу ерда кузатиб боринг.

- Ассалом алайкум қадрли футбол ишқибозлари! Бугун сизлар билан бирга 1 ой давом этган катта футбол байрамининг сўнгги учрашувини кузатиб борамиз. Бугун финал! Финалга мезбонлар Франция ҳамда Португалия терма жамоалари етиб келишди. Французлар бугунга қадар 2 бор Европа чемпиони бўлишган, португаллар эса бундай бахтга ҳали эришмаган. Бугун Европанинг янги чемпионини кўрамизми ёки уч карра чемпионларни? Бу савол жавобини бир неча соатлардан сўнг билиб оламиз.

- Роналду бошчилигидаги Португалия терма жамоаси ҳамда Гризманн етакчилигидаги Франция чигалёзди машқларни бажариш учун майдонга тушиб келишди. Стадиондаги муҳитга эса гап бўлиши мумкин эмас.

- Жамоалар бугун оптимал таркибда майдонга тушишади, Португалияда Пепе ва Карвалью сафга қайтди, Дешам эса ярим финалда немисларга қарши ўйнаган таркибни финал жангига ҳам ўзгаришсиз туширишга қарор қилди.

Айни пайтда "Стад-де-Франс" ташқарисидаги ҳолат.