Эшитдик-да! “Бунёдкор” дарвозасига белгиланган пенальти сабабчиси Суперлигадан четлаштирилган
28 апр 2018 10:10
Новости

Эшитдик-да! “Бунёдкор” дарвозасига белгиланган пенальти сабабчиси Суперлигадан четлаштирилган

Бизгача етиб келган норасмий хабарларга кўра, “Бунёдкор” — “Локомотив” ўйинида қанот ҳаками бўлиб ишлаган Алишер Усмонов Суперлиганинг бир нечта туридан четлаштирилган.

Айнан у сабабли учрашувнинг 83-дақиқасида “Бунёдкор” дарвозасига пенальти берилган бўлиб, мана шу ҳолат сабаб “Локомотив” дербида ғалабани илиб кетганди. Такрорий лавҳалар кўрсатдики, Анвар Ғофуров тўпга ўйнаган, қолаверса, ҳолат жарима майдончасининг ташқарисида юз берган.

Ўйин натижасига бевосита таъсир кўрсатган хато қарор ён ҳакам Алишер Усмоновга тегишли. Чунки аввалига бош ҳакам пенальти беришга шошилмаганди. Усмонов айнан қанча турга четлатилгани борасида аниқ маълумотлар йўқ.