Эшитдик-да! "Сурхон" раҳбарияти истеъфога чиқди, Актамов ҳам кетиши мумкин

"Сурхон" раҳбарияти истеъфога чиқарилган. Жамоани 2021 йилда ёпилган Тошкентнинг "Оқ-тепа" клуби орқали сизга яхши таниш бўлган Шоғуломовлар оиласи қабул қилиб олиши кутиляпти.

Раҳбариятдаги ўзгаришлар натижасида Ҳамиджон Актамов ҳам клубдан кетиши мумкин. Ёдингизда бўлса, у август ойида "Сурхон" таклифини қабул қилиб, аутсайдерлар зонасида бораётган жамоани Суперлигада олиб қолган эди.

44 ёшли мутахассиснинг кетиши Термиз клубининг келаси мавсум режаларига таъсир қилиши аниқ. Чунки "Сурхон"нинг стратегик ривожланишига жавоб берадиган Актамов 2023 йилда ОЧЛ йўлланмаси учун курашадиган жамоа қурмоқчи эди. Бу йўлда дастлабки қадамлар ташланган. Хусусан, Грузия чемпионатининг энг яхши футболчиси деб топилган Имрон Улад Омар, Сурия терма жамоасининг асосий дарвозабони Иброҳим Алма ҳамда тажрибали ҳимоячи Анзур Исмоилов билан келишувга эришилган. Шунингдек, Темурхўжа Абдухолиқов, Шуҳрат Муҳаммадиев ва Сияваш Ҳақназарий билан музокара ўтказилаётган эди.

Актамовнинг кетиши бу трансферларнинг барчасини бекор қилади", — "ФР| футбол АНАЛИЗИ" каналида.