Эшитдик-да! "Олимпик"нинг яна бир футболчиси Суперлиганинг бошқа клубига ўтмоқда

"Championat.asia" олган маълумотга кўра, "Олимпик"ни ёзги трансфер ойнасида яна бир футболчи тарк этади. Гап чап қанот ҳимоячиси Аҳмадулло Муқумжонов ҳақида кетмоқда. 22 ёшли ўйинчининг трансфер ҳуқуқи ОКМК клубига тегишли. Муқумжонов 2-даврани ижара аосида "Бунёдкор"да ўтказади. Клуб ва футболчи ўртасидаги музокаралар якуний паллада.

Эслатиб ўтамиз, 9 июль куни трансфер ҳуқуқи ОКМКга тегишли бўлган ва "Олимпик"да ўйнаб келаётган бошқа бир ҳимоячи Асад Раҳимжонов ҳам "Бунёдкор"га ўтаётгани ҳақида хабар берган эдик. Биздаги маълумотларга кўра, "қалдирғочлар" Раҳимжонов билан футболчи Олимпиадага йўл олишидан аввал шартнома имзолаб бўлишган.

Эшитдик-да! Париж Олимпиадасига борадиган ОТЖ аъзоси "Бунёдкор"га ўтмоқда 

Маълумот учун, Аҳмадулло Муқумжонов жорий мавсум Суперлига ва Ўзбекистон кубогида жами 15 та ўйин ўтказди ва битта гол уриб, 4та ассист қайд этди.