Эшитдик-да. “Нефтчи” раҳбари истеъфога чиқди
08 мая 2018 15:34
Новости

Эшитдик-да. “Нефтчи” раҳбари истеъфога чиқди

Теги : Нефтчи

Суперлига иштирокчиси “Нефтчи” жамоасининг бу йилги мавсумда ҳам ишлари ўзи истаганичалик юришмаётгани айни ҳақиқат.

Фарғоналиклар ортда қолган 10-турдан сўнг атига 4 марта дуранг қайд этиб, турнир жадвалида энг сўнгги поғонани эгаллаб турибди. Табиийки ушбу кўрсаткич маҳаллий ишқибозларни сира қониқтирмаяпти.

Бундай пайтда жамоада ўзгариш бўлиши табиий. Ёки раҳбар ёки бош мураббий истеъфога чиқади. “Нефтчи” ўтган ҳафтада ўз майдонида “Локомотив”ни қабул қилиб, йирик (1:4) ҳисобида имкониятни бой бергач, клуб раҳбариятида ишлаб келган Мўйсинжон Меҳмонов истеъфога чиқди. Бу ҳозирча расман тасдиқлангани йўқ.

Мураббийлар штабида эса ҳозирча жиддий ўзгаришлар йўқ. Абдумалик Ҳакимов, Сергей Ковшов ва Хислат Чилматов фаолиятини давом эттирмоқда. Айтишларича мураббий Баҳром Ҳайдаров аввалроқ жамоадан кетишни лозим топган.

“Нефтчи” клубининг навбатдаги раҳбари ким бўлиши ҳозирча аниқ эмас. Эслатиб ўтамиз, 10 май куни фарғоналикларни яна бир жиддий рақиб кутиб турибди. Чемпионатнинг 11-турида Абдумалик Ҳакимов бошқарувидаги жамоа Қўқонга сафар уюштиради.