Эшитдик-да! “Металлург” Суперлигада қолишнинг спортга зид принципларига ўтди, “Машъал” ва “Андижон” бу ғояни қўллаб-қувватламоқда

Шунга қарамай, бизга етиб келган маълумотларга кўра “Металлург” бошқа йўлдан юришга қарор қилган.

Эндиликда клуб раҳбарияти Суперлиганинг қолган клубларига алоқага чиқиб, Суперлига иштирокчилари сонини 16 тага етказиш юзасидан хат йиғишни бошлаган. Айни вақтда “Машъал”, “Андижон” каби клублар бу ғояни қўллаб-қувватламоқда. Қизиқ тарафи, аслида мазкур клублар соғлом рақобат учун майдонда кураш олиб бориши керак. Аммо улар вазият қўлдан бой берилаётганини ҳис қилиб, спорт қоидаларига зид йўлда бирлашмоқда.

Манбанинг қайд этишича, мазкур клублар Про лигага тушиб кетса, клуб сметаси қисқариб кетади. Айнан давлат корхонасидан кўпроқ пул ундириш учун ҳам бу клубларнинг Суперлигада жон сақлаб қолиши муҳим. Маълумки, “Машъал”, “Металлург” каби клублар давлат томонидан молиялаштирилади.

Айни вақтда мазкур клублар бу ҳаракатни ПФЛга билдирмасликка ҳаракат қилмоқда. Боиси бугунги ПФЛ спорт принципларини тиш-тирноғи билан ҳимоя қилиши табиий.