Эшитдик-да! Асқаралиев билан Отахоновнинг лицензияси олиб қўйилди
07 июн 2015 16:04
Новости

Эшитдик-да! Асқаралиев билан Отахоновнинг лицензияси олиб қўйилди

"Андижон" - "Нефтчи" ўйинидан сўнг фарғоналиклар устози Мурод Исмоилов ва мезбон жамоа ўйинчилари Иброҳим Отахонов билан Санжар Асқаралиев ўртасида жанжал юзага келган.

Айтишларича, Исмоилов ўйин пайтида Иброҳим Отахоновни шахсиятига тегадиган сўзлар билан ҳақоратлаган, табиийки бунга бардош бера олмаган футболчи ўйин тугагач муносиб "жавоб" қайтаришга уринган. Холатга "Нефтчи"нинг собиқ ўйинчиси Санжар Асқаралиев ҳам аралашган. Хуллас, Исмоиловни юзига зарба берган ушбу футболчиларни ҳатти-харакатига ПФЛ жазо тариқасида лицензиясини олиб қўйган.

Отахонов билан Асқаралиевга нисбатан кескин чора кўрилиши ҳам мумкин экан.

Эслатиб ўтамиз, "Андижон" кеча Жиззахда "Сўғдиёна" меҳмони бўлиб 2:1 ҳисобида ғалаба қозонди. Юқоридаги икки футболчи эса ҳатто учрашув қайдномасига ҳам киритилмади.

Ссылка :

Источник : championat.asia

Получайте новости прямо в Telegram!

Рейтинг: