Эртага Осиё чемпионлар лигасининг янги мавсуми старт олади
04 фев 2019 12:04
Новости

Эртага Осиё чемпионлар лигасининг янги мавсуми старт олади

Теги : ОЧЛ-2019

Эртага бўлиб ўтадиган учта ўйин билан бу йилги ОЧЛ баҳсларига старт берилади.

ОЧЛ плей-офф. 5 февраль

"Ал Виҳдат" (Иордания) - "Қувайт СК" (Қувайт)
"Серес Негрос" (Филиппин) - "Янгон Юнайтед" (Мяньма)
"Хоум Юнайтед" (Сингапур) - "Персия Жакарта" (Индонезия)

Маълумки, бу йил ҳам ОЧЛ гуруҳ баҳсларида 32та жамоа иштирок этади. Биздан амалдаги чемпион сифатида "Локомотив" тўғридан-тўғри гуруҳ босқичида ўйнайди. Ўзбекистон Кубоги соҳиби АГМК билан Суперлигада иккинчи ўринни қўлга киритган "Пахтакор" эса ўз омадларини плей-оффда синаб кўради.

"Пахтакор" 12 февраль куни ўз майдонида Ироқнинг "Эйр Форс" клубини қабул қилади. Бу жамоа уч марта ОФК Кубогида ғолибликни қўлга киритган. Шундай қилиб 2008 йилдан бери илк марта яна Ироқ жамоаси "Пахтакор" стадионига ташриф буюради.

Худди шу куни АГМК ҳам ўз майдонида ўйнайди. Миржалол Қосимов бошчилигидаги олмалиқликлар Тожикистоннинг "Истиқлол" клубини синовдан ўтказишади.

Бу йил ОЧЛда мукофот жамғармаси миқдори оширилди. 2018 йилда жами мукофот 4,2 миллион АҚШ доллари эди. Лекин бу йилги мусобақа учун ОФК 8,4 миллион доллар ажратди.

Ссылка :

Источник : championat.asia

Получайте новости прямо в Telegram!

Рейтинг: +7