Эртадан Наманганда пулька бошланади
05 окт 2013 12:04
Новости

Эртадан Наманганда пулька бошланади

Аввал хабар бериб ўтганимиздек, биринчи лигада қолиш учун бир қатор жамоалар пулька баҳсларида иштирок этишади ва шу йўл орқали қайси жамоанинг кейинги мавсумда ҳам биринчи лигада иштирок этиши расман аниқланади.

ПФЛнинг қарорига кўра, бу йилги пулька ўйинларига Наманган вилояти мезбонлик қилади. Хўш, унда қайси жамоалар иштирок этади?
6-16 октябрь кунлари оралиғида ўтказилиши кўзда тутилган қолиш турнирида биринчи босқич омадсизлари Шарқдан "Янгиер" ("Янгиер" аслида молиявий муаммо сабаб иштирокини тўхтатган), "Локомотив-БФК", "Хотира-79" ҳамда "Бунёдкор-2". Ғарбдан эса "Ғаллакор", "Зомин", "Сурхон" ва "Бухоро-2" клублари Наманганда ўтадиган пулькада иштирок этиши кўзда тутилган.

Олинган энг сўнгги маълумотларга кўра, ушбу клубларнинг барчаси бугун Наманган томон сафарга чиққан. Аммо "Янгиер"да ҳануз молиявий муаммолар бартараф этилмаган кўринади. Боиси жамоа пулькада қатнашмайдиган бўлган. Демак, еттита жамоанинг мусобақада иштирок этиши аниқ.

Айтишларича, эртага расмийлар ўртасида йиғилиш ўтказилади ва турнир қандай ўтиши ва қайси стадионларда ўйинлар бўлиши маълум бўлади.

Бу ҳақда кейинроқ сизларни батафсил таништириб ўтамиз.

Ссылка :

Источник : championat.asia

Получайте новости прямо в Telegram!

Рейтинг: