Эрон. Қиличев ва Мусаевда дуранг, Мельзиддинов жамоасида ғалаба

Эътиборингизга легионерларимиз иштирокидаги ўйинларни тақдим этамиз.

Фозил Мусаев тўп тепаётган "Сепахон" клуби ўз майдонида "Нафт Теҳрон"ни қабул қилди. Учрашувда 1:1 ҳисоби қайд этилди. Мусаев баҳсда тўлиқ 90 дақиқа ўйнади. "Сепахон" 19та турдан сўнг 34 очко билан мусобақа жадвалининг 3-поғонасини эгаллаб турибди. Клуб навбатдаги турни 13 февраль куни сафарда "Фулад"га қарши ўтказади.

Эрон про-лигаси мусобақа жадвали
"Сепахон" - "Нафт Теҳрон" 1:1
Голлар: Агили 11 - Аббос Буоазар 79.

Руслан Мельзиддинов тўп тепаётган "Нафт Масжид Сулаймон" клуби ўз уйида "Сабо Қом"ни қабул қилди. Бу баҳсда "Нафт" 1:0 ҳисобида зафар қучди. Мельзиддинов 90 дақиқа ўйнади. Клуб ушбу ғалабадан сўнг 18 очко билан 13-поғонага чиқиб олди. Мельзиддинов жамоаси кейинги баҳсни 12 февралда "Гостареш Фулад Табриз" билан ўйнайди.

"Нафт Масжид Сулаймон" - "Сабо Қом" 1:0
Гол: Фарзад Муҳаммади 79


Ойбек Қиличев ва "Пайкон" бу турда ўз майдонида "Гостареш Фулад Табриз" билан дуранг ўйнади - 1:1. Ҳамюртимиз учрашувда тўлиқ ўйнади. Айни пайтда 20 очко билан мусобақа жадвалининг 11-поғонасида бораётган клуб кейинги ўйинни 8 февраль куни сафарда "Истиқлол"га қарши ўтказади.

"Пайкон" - "Гостареш Фулад Табриз" 1:1
Голлар: С.Дагиги 45 - Магно 32


Баҳодир Насимов фаолият олиб бораётган "Падидеҳ" клуби бугун, 6 февраль куни сафарда "Тарктор Сози" билан беллашади.