Эрон. Мельзиддинов ва Қиличев тўқнашуви бўлиб ўтди

Эътиборингизга легионерларимиз иштирокидаги ўйинларни тақдим этамиз.

Фозил Мусаев тўп тепаётган "Сепахон" клуби сафарда "Истиқлол" меҳмони бўлди. Учрашувда "Сепахон" 1:2 ҳисобида мағлуб бўлди. Мусаев баҳсда тўлиқ 90 дақиқа ўйнади. "Сепахон" 18та турдан сўнг 33 очко билан мусобақа жадвалининг 3-поғонасини эгаллаб турибди. Клуб навбатдаги турни 4 февраль куни ўз уйида "Нафт Теҳрон"га қарши ўтказади.

Эрон про-лигаси мусобақа жадвали
"Истиқлол" - "Сепахон" 2:1
Голлар: Инояти 9, Иброҳими 90+4 - Папи 42.

Баҳодир Насимов фаолият олиб бораётган "Падидеҳ" клуби сафарда "Саба Қом" билан дуранг ўйнади. Осиё Кубогида иштирок этган Насимов ҳали клуби сафида майдонга тушгани йўқ. "Падидеҳ" ҳозир 21 очко билан мусобақа жадвалининг 10-поғонасида бормоқда. Клуб 6 февраль куни сафарда "Тарктор Сози" билан беллашади.

"Саба Қом" - "Падидеҳ" 0:0

Бу турда Эронда ўзбекистонликлар тўқнашуви бўлиб ўтди. Руслан Мельзиддинов тўп тепаётган "Нафт Масжид Сулаймон" клуби ўз уйида Ойбек Қиличев ўйнаётган "Пайкон"ни қабул қилди. Бу баҳсда ҳам нурсиз дуранг қайд этилди - 0:0. Иккала легионеримиз учрашувни тўлиқ ўтказишди. "Пайкон" 19 очко билан 12-ўринда, "Нафт" эса 15 очко билан 15-поғонадан жой олган. Мельзиддинов жамоаси 5 февралда "Саба Қом"ни қабул қилади, "Пайкон" эса "Гостареш Фулад Табриз" билан ўйнайди.

"Нафт Масжид Сулаймон" - "Пайкон" 0:0