RU

Последние новости

02:00"Интер" президенти А Серия даражасини баҳолади  1 01:29Бундеслига. "Бавария" йирик ғалаба қайд этди, Харри Кейн мавсумдаги 10-голини урди  1 01:10Энцо Мареска: "Дарвозабонлар бўйича муаммо йўқ"  2 00:57Саудия Арабистони. "Ал Насср" Мане ва Роналдунинг голлари эвазига "Ал Иттиҳод"ни мағлуб этди  16 00:33"Ливерпуль" Кьеза борасидаги қарорини ўзгартирди  1 00:14"Барселона"нинг икки футболчиси қанча муддатга сафдан чиққани аниқ бўлди  3 23:48Руни Экитике ҳақида: "Аҳмоқона ҳаракат. ВАР замонида голни текширувдан кейин нишонлаш керак"  2 23:15"Олтин тўп-2025". Ким қанча овоз тўплади?  3 22:54Максим Шацких: "Нима, ҳар бир ўйинда 5тадан гол уришимиз керакми? Бу "Барселона" эмас, "Андижон"  5 22:43Расман: "Манчестер Сити" Нико О'Райли билан шартномани узайтирди  1 22:19“Андижон” – ОКМК учрашувидаги баҳсли вазият бўйича изоҳ  9 21:58Миржалол Қосимов: "Мағлубиятга лойиқ ўйин кўрсатмадик"  6 21:37Мирко Йеличич: "Натижадан мамнунман, аммо ўйинимизни яхшилашимиз керак"  0 21:20Неъматулла Қуттибоев: "Ҳали ҳеч ким ҳеч нарса йўқотмади. Кураш сўнгги тургача давом этади"  0 20:59Суперлига. "Андижон" ўз майдонида ОКМКдан устун келди  49

Эркинжон Турдимов «Динамо» жамоаси билан учрашди Новости

Эркинжон Турдимов «Динамо» жамоаси билан учрашди

Бугун, 12 сентябрь куни “Динамо” футбол клуби қароргоҳида Самарқанд вилояти ҳокими, вилоят футбол ассоциацияси президенти Эркинжон Турдимов, клуб ҳомийлари ва раҳбарияти ҳамда “Динамо” жамоаси иштирокида йиғилиш ўтказилди.

Хабарингиз бор, мавсумнинг дастлабки қисмини муваффақиятли ўтказган “Динамо” жамоаси иккинчи даврани муваффақиятсиз бошлади. Кетма-кет мағлубиятлар нафақат мухлисларни балки клуб раҳбариятини ҳам эътиборидан четда қолаётгани йўқ.

- “Динамо” жамоасининг Суперлига иккинчи даврасида қайд этаётган натижаси ва бугунги вазиятини яхши деб бўлмайди. Буни мен каби сиз футболчилар ва мураббийлар ҳам яхши тушуниб турибсиз. Бугун сиз билан учрашувдан мақсад сўнгги мағлубиятларни таҳлил қилиш, кимнидир хафа қилиш ёки айбдорга чиқариш эмас, очиқ суҳбат шаклида гаплашиб олиб, вазиятни ўнглаш учун муаммоларни тинглаш, қўлдан келганча ёрдам бериш, сизларни қўллаб-қувватлашдир” – дея сўзлади Эркинжон Турдимов.

“Ҳеч кимга сир эмас, аксарият шаҳар ва вилоят клубларида бор бўлган йирик ҳомий ташкилоти бизда йўқ. Аммо, Самарқандда футболнинг фидоий ва жонкуяр ҳомийлари бор. Шу боис “Динамо”ни халқ жамоаси дейиш мумкин. Сўнгги мағлубиятлар туфайли ҳомийларнинг қўли бироз совугандир, аммо ҳозир шундай муҳим паллаки, барчамиз вазиятни яхшилашимиз шарт. Тез кунларда “Динамо” клуби олдидаги молиявий ҳолатни бартараф этамиз, бу борада ҳеч қандай муаммо бўлмайди.

Кетма-кет муваффақиятсизликлардан кейин жамоа бош мураббийи Даврон Файзиев кечирилмас мағлубиятлар бўлганлигини айтиб, мендан истеъфога чиқишга рухсат сўради. Аммо биз рад этдик, мураббийларга, футболчиларга ишонч билдиришда давом этишимизни билдирдик. Биз ҳеч ким билан хайрлашмоқчи эмасмиз. Сабаби, мавсум бошидаги қийин паллада айнан Даврон Файзиев қўл остидаги сиз футболчилар билан биринчи даврани муваффақиятли ўтказгандик. Мухлисларнинг фикридан ҳам хабарим бор. Футболда омадсизликлар туфайли, мағлубиятли давр ҳам бўлишини барчамиз биламиз, тушунамиз. Барчаси ўз қўлимизда, ортга йўл йўқ. Энди сўнгги ўйинлардаги омадсизликларни буткул унутиб, яхши ва ишчан кайфиятда тайёргарлик кўриб, минглаб мухлисларни хурсанд этиш учун бор куч ва имкониятни сарфлаш керак. Ишонаманки, чемпионатдаги ҳозирги қийин вазиятдан ҳам барчамиз бир жамоа бўлиб, чиқиб кета оламиз” – деди вилоят ҳокими.

Йиғилишда Самарқанд вилояти ҳокими Эркинжон Турдимов “Динамо” бош мураббийи Даврон Файзиев, клуб бош менежери Илҳом Шарипов ва футболчилар фикри билан ҳам қизиқди. Учрашув якунида жамоани руҳан қўллаб-қувватлаб, кейинги ўйинларда омад ва зафарлар тилади.

“Динамо” клуби матбуот хизмати.


Рейтинг: +11   

Комментарии

championat.asia
< посмотреть последние новости
Яндекс.Метрика