Эрик тен Хаг "Манчестер Юнайтед"ни инқироздан олиб чиқа оладими, деган саволга мураббий жавоб берди

“Албатта! Янги раҳбарият мени, жамоадаги ҳозирги жароҳатларни яхши билади. Агар жароҳатдагилар сафга қайтса, натижа ҳам бўлади. Биз топ жамоаларга қарши ўйинларимиз орқали жуда ёмон жамоа эмаслигимизни кўрсатиб қўйдик.

Мен жамоага ишонаман, биз ушбу таркиб билан катта ўсишга эришишимиз мумкин. Бизга фақатгина барқарорлик етишмаяпти.

Ўтган мавсум ажойиб натижага эришдик. Биз бу йил ортдамиз ва ишлашимиз керак. Мен битта нарсани аниқ биламан. Агар жароҳатдагилар тузалса, биз анча кучли бўламиз”,-деди тен Хаг.