Эмери "Арсенал"дан четлатилиш арафасида
28 ноя 2019 12:44
Новости

Эмери "Арсенал"дан четлатилиш арафасида

Лондоннинг "Арсенал" клуби бош мураббийи Унаи Эмери яқин орада ишдан олиниши мумкин.

Хабарларга кўра, Лондон клуби раҳбарияти испаниялик мутахассис бошчилигидаги "Арсенал"нинг сўнгги натижаларидан жуда норози. Жамоа барча мусобақалардаги сўнгги олтита ўйинда ғалаба қозона олмади ва 14 турдан сўнг Премьер-лигада 8-ўринни эгаллаб турибди.

ОАВда Эмерининг ишдан бўшатилиши ҳақидаги миш-мишларга қарамай, мураббий раҳбарият уни тўлиқ қўллаб-қувватлашини айтмоқда.

"Арсенал" раҳбарияти аллақачон 48 ёшли мутахассисни алмаштириш учун муносиб номзодларни қидиришга киришган. Айни пайтда иккита эҳтимолий вариантлар кўриб чиқилмоқда. Булар, Туриннинг "Ювентус" жамоаси собиқ устози Массимилиано Аллегри, шунингдек, "Вулверхемптон" бош мураббийи Нуну Эшпириту Санту.

Эслатиб ўтамиз, "Арсенал" бугун тунда Европа Лигаси гуруҳ босқичининг 5-турида "Айнтрахт"га қарши майдонга тушади. Эмери шогирдлари "F" гуруҳида 10 очко билан биринчи ўринда боришмоқда.

Ссылка :

Источник : The Telegraph

Получайте новости прямо в Telegram!

Рейтинг: +6