"Эл Класико" қолдирилиши мумкин-ми?!
07 апр 2021 19:05
Новости

"Эл Класико" қолдирилиши мумкин-ми?!

ЕЧЛ чоракфинали доирасида "Ливерпуль"га қарши беллашув куни "Реал" марказий ҳимоячиси Рафаэль Варан коронавирусга топширган тести ижобий натижа кўрсатгани маълум бўлди.

Франциялик футболчи "қизиллар"га қарши ўйинда иштирок этмади ва 10 апрель куни ташкиллаштириладиган "Класико"ни ҳам ўтказиб юборади. Бироқ, AS хабарига кўра, Вараннинг касалликка чалиниши бутун "Мадрид"ни хавф остида қолдирмоқда. Сабаби у жамоадошлари билан машғулотлар вақтида ҳам алоқада бўлган.

Сешанба куни қолган футболчиларнинг қайта топширган тести барчаси жойидалигини ва "Ливерпуль"га қарши учрашувда иштирок эта олишлари мумкинлигини кўрсатганди. Бироқ якуний хулоса чиқаришга бироз эрта.

Агар "Мадрид"нинг бошқа футболчилари ҳам COVIDга чалинган бўлса, шанба куни "Барселона"га қарши ўтиши режалаштирилган ўйинни сўроқ остида қолдирмоқда.

Пандемия бошланганидан буён "қаймоқранглилар" сафида Зинедин Зидан, Эден Азар, Начо, Каземиро, Эдер Милитао, Андрей Лунин ва Мариано COVID-19 бўлиб, тузалди.

Ссылка :

Источник : championat.asia

Получайте новости прямо в Telegram!

Рейтинг: +9