Эҳ, Голландия нега ЖЧ-2014да учинчи ўринни олгандинг?

"Лолалар юрти" жамоаси 1984 йилдан буён илк бор Европа чемпионатини ўтказиб юборади. Голландия "Жаҳон чемпионатининг учинчи ўрин лаънати"га учради. Бу лаънат фақат Германияга таъсир қилмаган холос. Гап нима ҳақида эканини қуйида тушунтириб ўтамиз.

1982 йилдан буён Жаҳон чемпионатларида учинчи ўринни фақат Европа қитъаси вакили қўлга киритган. Қизиғи учинчи ўринни олган ўша жамоа навбатдаги Европа чемпионатига чиқа олмаган!

Голландия терма жамоаси 2014 йил Бразилияда бўлиб ўтган Жаҳон чемпионатида учинчи ўрин учун баҳсда мезбонларни мағлуб этиб бронза медалларга эга чиққанди. Энди жамоа 2016 йилги Европа чемпионатига чиқа олмади...

1982 йил Польша ЖЧда учинчи ўринни олган ва 1984 йилги Европа чемпионатига чиқа олмаган

1986 йил Франция ЖЧда учинчи ўринни олган ва 1988 йилги Европа чемпионатига чиқа олмаган

1990 йил Италия ЖЧда учинчи ўринни олган ва 1992 йилги Европа чемпионатига чиқа олмаган

1994 йил Швеция ЖЧда учинчи ўринни олган ва 1996 йилги Европа чемпионатига чиқа олмаган

1998 йил Хорватия ЖЧда учинчи ўринни олган ва 2000 йилги Европа чемпионатига чиқа олмаган

2002 йил Туркия ЖЧда учинчи ўринни олган ва 2004 йилги Европа чемпионатига чиқа олмаган

2006 ва 2010 йилги Жаҳон чемпионатларда Германия учинчи ўринни олган. Юқорида айтилганидек немисларга бу "лаънат" таъсир қилмаган.

2014 йил Голландия ЖЧда учинчи ўринни олган ва 2016 йилги Европа чемпионатига чиқа олмади.


Энди Европа жамоалари 2020 йилги қитъа чемпионатига чиқмоқчи бўлса 2018 йилги ЖЧда учинчи ўринни олмасликка ҳаракат қилишса ажаб эмас.

Нарзулла Сайдуллаев