Эффенберг: “Бавария” раҳбариятига Левандовскини сотишни тавсия этаман

Левандовски ўтган ҳафтада Мюнхен клуби “ПСЖ” ва “Барселона” сингари  катта суммадаги харидларни амалга ошира олмаслигини танқид қилиб чиққанди.

“Левандовски клуб фалсафасига “ҳужум” қилмоқда. Жамоа президенти Ули Хёнесс янги футболчилар учун 100-150 миллион евро сарфламаслигини бир неча бор айтган. Мен ўзим ҳам бир неча ҳафта илгари “Бавария” агар катта маблағ эвазига топ футбочли сотиб олмаса, “Барселона” ва “ПСЖ” сингари клублардан ортда қолишини айтганман. Аммо Левандовски футболчи, у бу каби баёнотларни беришидан илгари яхшилаб ўйлаб кўриши, бу клубдагиларга қанчалик таъсир қилишини билиши лозим.

Бизда, ўзимизда супер юлдузлар бор. Юлдузлар учун 100-200 миллион евро сарфлаш керакми? Бунча маблағга беш ёки олтита яхши савиядаги германиялик футболчиларни сотиб олиш мумкин. Улар  ўз юртининг жамоасида қандай ўйнаш кераклигини билишади ва келажакда халқаро майдонда ҳам муваффақиятларга эриша олади.

“Бавария”га яқин келажакда чет эллик топ футболчиларни сотиб олмасдан, Левандовски билан хам хайрлашишни тавсия қиламан. Майли у “Барселона” ёки “ПСЖ”га ўтсин. Ўшанда у ўзи хоҳлаган ишни қиладиган клубга ўтиб, истаганини гапираверсин”, дея айтиб ўтган Эффенберг T-Online нашридаги ўз саҳифасида.