Эдгар Гесс: "Ҳисобимизда 8 очко борлигидан хурсандман"

"Ўйин ҳақида гапирадиган бўлсак, ҳисоб ўйин қандай бўлганини айтиб турибди. Фарғоналиклар ўйинда тўлиқ устунлик қилиншди. Имкониятлардан фойдалана олдилар. Бир сўз билан айтсак, улар биздан яхши ўйнадилар. Биз ҳам ҳаракат қилдик. Бироқ, иккинчи бўлимда 10 киши бўлиб қолган йигитларда чарчоқ аломати сезилиб қолди", - дея сўз бошлади мезбонлар устози.

Олдимизда "Нефтчи"га муносиб қаршилик қилиш вазифаси қўйилганди. Ўртада футболчилар хатоларга йўл қўйишди. Энди хатоларни ўрганиб чиқамиз.

Сўнгги дақиқаларда иккита гол ўтказиб юбордик. Биз ҳаракат қилмоқдамиз. Имконимиз даражасида.

Қўл остимиздаги футболчилар билан ўйнаймиз. Чунки, ушбу футболчиларни алмаштира олмаймиз.

Ҳисобимизда 8 очко борлигидан хурсандман. Молиявий имкониятлари биздан яхши бўлган "Бухоро" ҳисобида 2 очко бор. "Динамо" ҳам бугун ўз майдонида мағлубиятга учради. Бу йилги вазифамиз футболчиларнинг 20-25 та ўйинда майдонга тушишлари орқали тажриба тўплаш. Шунда, кейинги йил ишласак бўлади.

Агар пул бўлганида футбол ўйнашни биладиган футболчиларни сотиб олган бўлардим. Менга зарилми, шу ёшимда барчадан уялиб, кўчада юра олмайдиган бўлиб юриш. Яхши футболчиларни ҳарид қилиб, оёқни узатиб ғалаба қозонишимизни томоша қилган бўлардим.
Жамоа 10 киши бўлиб қолганига қарамай ўйнашда давом этди.