Эдгар Гесс: "Давралар оралиғида ўзгаришлар бўлиши аниқ"

"Ўйинни яхши ташкил қилдик. Бугун биз ҳисобдан ташқари, бошқа ҳеч нимада имкониятни бой бермадик. Ўйин борасида ҳам, хавфли вазиятларни вужудга келдиришда ҳам биз ажойиб қаршилик кўрсатдик. Лекин, шунча имкониятлардан фойдалана олмаганимиз бу ачинарли. Умуман, ўйинимиз ёмон чиқмади", - деб гап бошлади Гесс.

- Сўнгги пайтларда "Бухоро"га урилаётган голлар жуда ҳам оддий ва қўпол хатоликларимиз эвазига уриляпти. Мана шу ҳолатлардан сўнг, жамоада ўзгаришлар қилиш вақти келгандир?
- Албатта, бунақанги голларни ўтказиб юбораётганимиз ёмон. Шу сабабли ўзгаришлар қилиш вақти келди деб ўйлайман. Биз ўзгартиришлар борасида жиддий ўйланиб қолдик ва барча ишлар бошлаб юборилган.

- Демак, давралар оралиғида "Бухоро"га янгилар келиб қўшилади ва таркиб иккинчи даврагача кучайтирилади?
- Ҳа, албатта. 5-6 та ўзгартиришларни амалга оширмасак бўлмайди. Ўйлайманки давралар оралиғида ўзгариш бўлади.

Ҳозирги кунда мени қувонтирган ҳолат, ўзимизнинг маҳаллий, ёш футболчиларимиз олий лигада ёшларига қарамай гол кирита бошлашмоқда. Бу албатта, нафақат бизнинг, балки бутун ўзбек футболи ютуғи ҳисобланади", - дея ўз фикрлари билан ўртоқлашди Эдгар Гесс.