Эден Азар Анчелоттидан норози

Хавбек мураббий бутун мавсум давомида Азар ўзининг энг яхши спорт формасини тиклашини кутаётганини айтиб, етарлича ўйин амалиёти бермаётганини тушуна олмаяпти.

Кечаси Испания Кубоги доирасидаги "Атлетик" (0:1) билан беллашувда ҳам бельгиялик захирада қолдирилди. Ваҳоланки сўнгги вақтларда у ҳеч қандай чекловларсиз шуғулланган ва терма жамоа ўйинлари сабаб чарчамаган эди. 

31 ёшли футболчи Анчелотти ўзига нисбатан адолатсиз муносабатда бўляпти деб ҳисоблайди. Шунга қарамай, Эден кийиниш хонасида мураббийга нисбатан муносабатини нормал даражада сақлаб турибди ва аксинча, жамоадошлари билан янада яхшироқ алоқа ўрнатишга уринмоқда.

Бу мавсум Азар Ла Лига доирасида 14 учрашувда майдонга тушиб, бирорта гол ура олмади.