ЕЧЛ: Тур якунлари, статистика, қизиқарли фактлар ва лигаларнинг антиқа турнир жадвали (ФОТО)
19 окт 2017 17:06
Новости
![](https://championat.asia/upload/storage/284105_original.jpg)
![](/upload/storage/284105_220.jpg)
ЕЧЛ: Тур якунлари, статистика, қизиқарли фактлар ва лигаларнинг антиқа турнир жадвали (ФОТО)
"A" гуруҳи: "Бенфика" - "Манчестер Юнайтед" 0:1, ЦСКА - "Базель" 0:2
"B" гуруҳи: "Бавария" - "Селтик" 3:0, "Андерлехт" - "ПСЖ" 0:4
"C" гуруҳи: "Қорабоғ" - "Атлетико" 0:0, "Челси" - "Рома" 3:3
"D" гуруҳи: "Барселона" - "Олимпиакос" 3:1, "Ювентус" - "Спортинг" 2:1
"E" гуруҳи: "Спартак" - "Севилья" 5:1, "Марибор" - "Ливерпуль" 0:7
"F" гуруҳи: "Манчестер Сити" - "Наполи" 2:1, "Фейеноорд" - "Шахтер" 1:2
"G" гуруҳи: "Монако" - "Бешикташ" 1:2, "РБ Лейпциг" - "Порту" 3:2
"H" гуруҳи: "Реал" - "Тоттенхэм" 1:1, АПОЕЛ - "Боруссия" Дортмунд 1:1
Ўтказилган 16 учрашувда жами 54та гол киритилди.
Мезбонлар 25та голга муаллифлик қилишган бўлса, меҳмондаги жамоалар ҳисобига 29та гол ёзилди.
Энг кўп гол "E" гуруҳида (13) урилди.
Энг кам гол эса "A" "квартети"да (3) кузатилди.
Мадридда ўтган "Реал" - "Тоттенхэм" учрашувида энг кўп томошабин (76589) ташриф буюрди.
Энг кам ишқибоз (7403) эса "Монако" - "Бешиктош" ўйинида қайд этилди.
"Бенфика" - "Манчестер Юнайтед" учрашувида португалияликлар дарвозасини қўриқлаган Миле Свилар ЕЧЛ тарихида майдонга тушган энг ёш дарвозабонга айланди. Миле Свилар Касильяснинг 18 йиллик рекордини янгилади.
Тур сенсацияси эса Озарбойжонда кузатилди. Испаниянинг гранд клуби "Атлетико" бу сафар Озарбойжондан атига бир очко билан қайтишга мажбур бўлди. Гурбан Гурбанов бошчилигидаги "Қорабоғ" ўз уйида ЕЧЛнинг сўнгги 2 мавсумдан буён камида ярим финалга қадар бораётган "Атлетико"га кутилган кўпроқ қаршилик кўрсатишди. Ўйин якунида майдон эгалари ғалаба тўпини ҳам киритишларига бир баҳя қолганди.
Турни яна бир кутилмаган натижаси Москвада қайд этилди. Массимо Каррера қўл остидаги "Спартак" Европа лигасининг мутахассис жамоаси, охирги икки мавсумдан буён ЕЧЛда ўйнаётган Испаниянинг номдор клуби "Севилья" посбонини 5 маротаба ранжитишди. Якунда эса "Спартак" ЕЧЛдаги ўзининг энг йирик ғалабасини нишонлади.
"E" гуруҳида эса 3-турда барча жамоалар ўз ҳисобларига 1 очкодан қўшиб қўйишди. Пешқадамлар ҳамда аутсайдерларнинг ўзаро қарама-қаршилигида ғолиб номи аниқланмади.
Ҳар иккала ўйинда ҳам кутилмаган дуранг бўлди.
Турни энг муросасиз ўйини шубҳасиз Лондонда ўтди. Итальянча ўтган учрашувда 6та голга гувоҳи бўлган ишқибозлар уйларига бир хил кайфиятда қайтишди. "Челси" ҳам, "Рома" ҳам учрашув давомида ғалаба қозониб туриб устунликни сақлаб қола олишмади. Аммо иккала жамоа ҳам мағлубиятдан қутилиб қолишга муваффақ бўлди. Шу жиҳатдан қўлга киритилган бир очко ҳар иккала томонни қаноатлантиргани аниқ.
Манчестерда кечган премьер лига ва А Серия пешқадамлари ўртасидаги баҳсда ғолиб чиққан "Сити" гуруҳда якка ҳокимликни сақлаб қолди.
Юпп Хайнкеснинг "Бавария"га қайтиши эса кутилганидек муваффақиятли чиқди. Жамоа ўз уйида "Селтик"ка ҳеч қандай имконият қолдирмади ва йирик ҳисобдаги ғалабани расмийлаштирди.
Ушбу турда ҳеч бир футболчи хет-трик қайд этгани йўқ. Фирмино, Салах, Жеко, Азар, Промес, Тосун, ҳамда Бернард дубль муаллифига айланишди.
Йўқотишларсиз кетаётган жамоалар: "Манчестер Юнайтед", ПСЖ, "Манчестер Сити", "Барселона" ва "Бешиктош". Ушбу жамоалар ҳар учала ўйинда ғалаба қозонган ҳолда 9 очко билан ўз гуруҳларида пешқадамлик қилишмоқда.
ПСЖ эса ҳали ўз дарвозасидан бирорта гол ўтказиб юборгани йўқ. "Андерлехт" эса аксинча, бельгияликлар 3-турдан кейин ҳам ўз голлари сонини очиб олишгани йўқ.
"Бенфика", "Андерлехт", "Олимпиакос" ҳамда "Фейеноорд" жамоалари 3-турдан кейин ҳам очко ишлашгани йўқ. Бу жамоалар гуруҳдан чиқиш имкониятларини деярли йўқотиб бўлишди.
ЕЧЛда тўпурарлик баҳсида Харри Кейн ҳамда Роналду қўшпешқадамлик қилишмоқда. Ҳар иккала ҳужумчининг ҳисобида 5тадан гол мавжуд.
ЛИГАЛАР ТУРНИР ЖАДВАЛИ (биринчи давра)
1. АПЛ (5 жамоа) - 37 очко
2. Ла Лига (4 жамоа) - 22 очко
3. А Серия (3 жамоа) - 14 очко
4. Бундеслига (3 жамоа) - 11 очко
5. Франция 1 Дивизиони (2 жамоа) - 10 очко
6. Туркия чемпионати (1 жамоа) - 9 очко
7. Россия чемпионати (2 жамоа) - 8 очко
8. Украина чемпионати (1 жамоа) - 6 очко
9. Швейцария чемпионати (1 жамоа) - 6 очко
10. Португалия чемпионати (3 жамоа) - 6 очко
11. Шотландия чемпионати (1 жамоа) - 3 очко
12. Озарбойжон чемпионати (1 жамоа) - 1 очко
13. Словения (1 жамоа) - 1 очко
14. Кипр чемпионати (1 жамоа) - 1 очко
15. Бельгия чемпионати (1 жамоа) - 0 очко
16. Греция чемпионати (1 жамоа) - 0 очко
17. Голландия чемпионати (1 жамоа) - 0 очко
"A" гуруҳи
"Бенфика" - "Манчестер Юнайтед" 0:1
ЦСКА - "Базель" 0:2
- "Манчестер Юнайтед" бу "квартет"даги пешқадамлик масалани деярли ҳал этди. "Базель" ва ЦСКА эса иккинчи йўлланма учун курашади. Йўлланмани ютқазган жамоа эса катта эҳтимол билан Европа лигасида ўз юришини давом эттириши мумкин. Чунки "Бенфика"нинг ҳозирги ҳолатидан келиб чиқадиган бўлсак, 3-ўринни қўлга киритиш ҳам уларга осон бўлмаслиги аниқ. Иккинчи даврада балки кўп нарса ўзгариши мумкин. Аммо Манчестернинг жойи ўзгармаслиги катта эҳтимол.
"B" гуруҳи
"Бавария" - "Селтик" 3:0
Бу "квартет"да гуруҳдан чиқадиган жамоалар номи аввалдан маълум эди. Биринчи даврадан кейин эса бу яна бир бор ўз исботини топгандек. Бу гуруҳда иккита савол очиқ қолмоқда: Пешқадам ва европа лигасига йўлланма берувчи 3-ўрин тақдири. Пешқадам жамоа номи "Бавария" ва ПСЖнинг Мюнхендаги ўзаро ўйинида маълум бўлса, "Селтик" ва "Андерлехт" европа лигаси чиптаси учун курашади.
"C" гуруҳи
"Челси" - "Рома" 3:3
Учта кучли жамоаларни орасига тушиб қолган "Қорабоғ" аслида ўзини йўқотиб қўймади. Тўғри, жамоа илк турда Лондонда тор-мор келтирилди. Аммо Озарбойжондаги ўйинларда "Қорабоғ"нинг рақибларига осон бўлмаяпти. Аввалига "Рома" жиддий қаршиликка учради, аммо ғалаба қозонди. "Атлетико" эса сафарда "Қорабоғ" билан очко бўлишишга мажбур бўлди. Лондондаги драмада эса ғолиб номи аниқланмади. "Атлетико"нинг Озарбойжондаги очко йўқотиши уларга қимматга тушиши мумкин. Гуруҳдан чиқиш учун энг яхши имконият ҳозирча "Челси" ва "Рома"да сақланиб турибди. Диего Симеоне жамоаси баҳорда Европа лигасида ўйнаш ҳуқуқини қўлга киритишини тахмин қилиш мумкин.
"D" гуруҳи
"Барселона" - "Олимпиакос" 3:1
Бу гуруҳда ҳам қуръадан кейин кимлар 1-2 ўрин учун курашиши маълум бўлиб улгурганди. Амалда ҳам шундай бўлмоқда. Лекин "Ювентус"га иккинчи йўлланма учун "Спортинг" жиддий қаршилик кўрсатмоқчилиги кечаги Туриндаги баҳсда ҳам кўриниб қолди. Португалияда ўтадиган жавоб беллашувида "Спортинг" ғалаба қозонсагина гуруҳдан чиқиш учун имкониятни оширади. Акс ҳолда лиссабонликлар Европа лигасига чиптани ютиб олишлари мумкин. "Олимпиакос" эса биринчи даврада барча жамоаларга очко улашиб турди.
Учта жамоа иккита йўлланма учун қизғин курашаётган "квартет"да ишлар анча чигал. "Ливерпуль", "Спартак" ҳамда "Севилья"нинг қаттиқ рақобати охирги турга қадар чўзилиши мумкин. Ҳозирча иккинчи давра олдидан Юрген КЛопп ва Массимо Каррера жамоасида имкониятлар юқорироқ. Испаниянинг "Севилья" жамоаси иккинчи даврада вазиятни ўзгартира олмаса, унда ўзлари учун яхши таниш Европа лигасига равона бўлишади.
"F" гуруҳи
"Манчестер Сити" - "Наполи" 2:1
Бу гуруҳда "Сити" дастлабки учта турдан кейин ким хўжайин эканлигини кўрсатиб қўйди. "Наполи" ва "Шахтёр" эса иккинчи ўрин учун қизғин кураш олиб боришади. Украинада ўтган ўйинда "кончилар"нинг ғалабаси ҳозирча турнир жадвалида ким иккични ўрин эгаси деган саволга жавоб бериб турибди. "Наполи"да эса ўз уйида вазиятни ўзгартириш имконияти мавжуд. Кўп нарсани кейинги турдаги "Наполи" - "Сити" ўртасидаги баҳс ҳал этиб беради. Агарда Неаполда ҳам "Сити" "Наполи"ни мағлуб этса, унда Гвардиола жамоаси "Шахтёр" учун плей-офф эшикларини очиб юборишлари мумкин. Чунки "Фейеноорд" жамоаси ўз уйида қилолмаган ишни Украинада амалга оширишига ишониш қийин.
Тенг кучли жамоалар жамланган "квартет"да "Монако" деярли "ўйиндан чиқди". Туркиянинг ушбу ЕЧЛдаги ягона вакили йўқотишларсиз кетмоқда. Пешқадам масаласи аллақачон ҳал этилди, десак муболаға бўлмайди. Аммо иккинчи ўрин учун курашда "Лейпциг" ҳамда "Порту" жамоалари охиригача кескин курашишларини тахмин қилиш мумкин.
"H" гуруҳи
"Реал" - "Тоттенхэм" 1:1
АПОЕЛ - "Боруссия" Дортмунд 1:1
Бу гуруҳда биринчи даврадан кейин кўп нарса ойдинлашиб қолди. "Реал" ва "Тоттенхэм" пешқадамлик учун кураш олиб боришаётган бўлса, Дортмунд кутилмаганда АПОЕЛ билан 3-ўрин учун курашишга мажбур. Кейинги турда Лондонда биринчи ўрин масаласи ҳал этилади. Дортмундда эса катта эҳтимол билан Петер Бошш жамоаси ҳеч бўлмаганда Европа лигаси йўлланмасига эга чиқиш учун ҳаракат қилади. Чунки "Боруссия" фақатгина жуда катта омад эвазига гуруҳдан чиқиши мумкин.
ЕЧЛ 3-ТУР РАМЗИЙ ТЕРМА ЖАМОАСИ (4-3-3):
Дарвозабон: Иброҳим Сехич ("Қорабоғ")
Ҳимоячилар: Жошуа Киммих ("Бавария"), Димитрий Комбаров ("Спартак"), Сократис Попастатопулос ("Боруссия" Д) Александр Коларов ("Рома")
Ярим ҳимоячилар: Наби Кейта ("Лейпциг"), Эден Азар ("Челси"), Бернард ("Шахтер")
Ҳужумчилар: Роберто Фирмино ("Ливерпуль"), Эдин Жеко ("Рома"), Квинси Промес ("Спартак")
Похожие новости
![AMP Logo](https://championat.asia/image/logo-amp.png)
Комментарии