ЕЧЛ. "Динамо Загреб" клубига қарши ўйиндан олдин Гвардиола ва Гюндоган матбуот анжуманида қатнашди

Дастлаб Гвардиола ўз фикрларини билдириб ўтди.

Пеп Гвардиола: "Динамо З" ўз ўйинлари орқали биз учун катта сюрприз бўлди. Уларда тезкор ўйинчилар бор: улар жуда чаққон. Ҳозирга қадар гуруҳда жуда яхши рақобат вужудга келган ва гуруҳдан ўтиш учун ажойиб имкониятга эга. 

Бизда кўплаб жароҳат олганлар бор. Ёш футболчилар билан келдик. Вазиятдан келиб чиққан ҳолда, энг яхши таркибимиз билан ўйнаймиз. Аллақачон кейинги босқич масаласи ҳал этилган ва ҳозир Чемпионлар лигасидан кўра АПЛ муҳимроқ". 

"Филь Фоден ҳақида айтадиган бўлсам, у кўп гапирмайди, муҳими майдонда уялиб қолмаслик ва у буни жуда яхши билади, бунга амал қилади. Жорий мавсум у ўсяпти, бир қанча ҳусусиятларини яхшилай олади. Баъзан у тўпсиз қарор қабул қилиш борасида бироз ўйлаши керак, лекин бу унинг ёшида нормал ҳолат. Унинг ўйинларида жуда ҳам қониқяпмиз. Давид Силва — жуда кўп ўйинларда ғалаба қозонган ва совринлар ютган афсона, аммо биз Филь унинг ўрнини эгаллай олишига ишонамиз", - дейди Гвардиола.

Шундан сўнг Илкай Гюндоган ҳам ўйиндан олдин фикрлари билан бўлишди. 

"Маҳаллий совринларни ютиз Чемпионлар лигасида ғалаба қозонишни кафолатламайди. Бу АПЛга солиштирганда бошқа мусобақа. Жуда қийин ва плей-офф ўйинларида яна қийинлашиб боради. ЕЧЛда чемпион бўлишни ўз олдимизга мақсад қилиб қўйганмиз, бироқ бунга эришиш осон бўлмайди", - дейди Гюндоган.

Қайд этиш керак, "Сити" 11 очко билан биринчи ўринни кафолатлаб бўлган. Иккинчи йўлланма учун "Шахтёр" (6 очко), "Динамо З" (5 очко) ва "Аталанта" (4 очко) кураш олиб боришмоқда. Бугун гуруҳдаги сўнгги тур ўйинлари бир вақтда бошланади (Тошкент вақти билан 22:55да).