Дражен Дукич: "Қўқондаги мухлисларга беш баҳо қўяман!"

"Самвел Бабаян бетоблиги туфайли Қўқонга кела олмади. Шу боис ўйин ҳақидаги фикрларни мен баён қиламан. Бугунги ўйинга яхши тайёрлангандик. Бу жамоа биринчи лигада биринчи бўлиб турибди. Жамоа мухлисларига гап йўқ. Биз 4-5та имкониятдан фойдана олмадик. Устунлигимизни натижада акс эттира олмадик. Жавоб баҳсида ғалаба қозонишга уринамиз. Гол ура олмадик, бу футбол. Футболда доим ҳам кучли жамоа ғолиб чиқавермайди".

"Боян Миладинович бугун ҳужумда ўйнади. Захирамизда ҳужумчи йўқ эди. Бизга гол керак эди. Шу боис бўйи узун бўлган Боянни ҳужумга туширдик. Сербияда ўйнаётганида у ҳужумчи сифатида ҳам ҳаракат қилганди. Сўнгги дақиқаларда биз 4-4-2 тактикасида ҳаракат қилдик".

"Бундай мухлисликни Ўзбекистонда умуман кўрмаганман! Фарғонада, Андижондаги ўйинларга борганман. Қўқон мухлисларига 5 баҳо қўяман".

"Тўғриси рақиб ўйинига эътибор қилмайман. Фақат ўз жамоам ўйинчиларининг ҳаракатларига кўпроқ эътибор қиламан. Шу боис "Қўқон-1912" жамоасидан битта футболчини ажратиб кўрсата олмайман".

"Пахтакор" ҳеч қачон дуранг учун ўйнамайди. Бугун биз фақат ғалаба учун келдик. Қўқон жамоаси олий лигада ўйнаши керак. Сабаби Ўзбекистонда футбол айнан шу ерда бошланган. Шахсан мен "Қўқон-1912"нинг олий лигага чиқишига мухлислик қиламан".