Дмитрий Градиленко: "2009 йилда "Локомотив" ҳаваскор кўринишда эди"

"Тошкентга илк бор 1985 йил Собиқ Иттифоқ ўсмирлар терма жамоаси билан мусобақада қатнашиш учун келгандим. Ўшанда биз турнирда ғолиб бўлганмиз. 2009 йилда таниқли дарвозабон Александр Филимоновнинг "Локомотив"даги ўйинларидан бирини кўриш мақсадида келгандим. Сашанинг "Локомотив"га ўтиши жуда тез ҳал бўлган. Бу билан унинг катта футболдаги фаолиятини давом эттиришига ҳисса қўшганман. Ҳозир Филимонов Туланинг "Арсенал" клубида ўйнамоқда", - дейди Дмитрий Градиленко.

2009 йил келганимда "Локомотив" талабалар шаҳарчасида ўйинини ўтказганди. Барчаси ҳаваскор кўринишда эди. Кеча бу жамоанинг янги стадиони ва базаси билан танишдим. Ўзгаришлар катта кўламда. Футбол ривожланишини ҳукумат қўллаб-қувватлаётгани, мамлакат Президенти Ислом Каримовнинг шахсан эътибори юқори эканлигини биламан. Ўсмирлар ва ёшларнинг жаҳон чемпионатида ўйнаётгани бекорга эмас. Аҳмедов ва Денисов Россиядаги яхши номга эгалар. Одил қишда "Краснодар"га кўчиб ўтади. У "Анжи"да бир текисда ўйин намойиш қилди. Денисов "Локомотив" билан жадвалда пешқадамлик қиляпти.

Футболчиларнинг янги жамоаларга ўтишида кўп нарса уларнинг ўзига боғлиқ. Агентларнинг ҳиссасини жуда катта деб айтмайман. Аксарият вазиятда футболчиларнинг савияси барчасини ҳал қилади. Клублар ўзаро музокара олиб борганда ўйинчининг нархи юқори бўлади. Агент таклиф қилганда эса нарх тушиб кетади.