Диёр Мирзабоев: "Кумиковнинг лицензияси муддати ўтган, футболчилардан қарзимиз йўқ"

"Сўғдиёна" охирги иккита ўйинда Ўзбекистоннинг етакчи клубларини мағлуб этганини барча билади. Ўз майдонларида кўп ҳужум қилишларини тахмин қилиб ҳимоявий ўйин ташкил этдик. Қарши ҳужумда рақибни жазолашга уриндик. Менимча дуранг адолатли натижа бўлди. Ютқазишимиз ҳам мумкин эди, биринчи таймда Усмоновда, Ибе вазиятлардан унумли фойдаланишганида умуман бошқача вазият бўларди", - деб гап бошлади Диёр Мирзабоев.

- Бош мураббий Виктор Кумиков негадир ҳамон қайдномадан ўрин олмаяпти. Бунинг сабаби нима?
- Бу саволни менга эмас клуб раҳбариятига берсангиз тўғрироқ бўларди. Менга маълум бўлишича ПФЛ билан ҳужжат бўйича муаммоларимиз бор. Бундан ташқари Кумиковнинг ПРО лицензияси муддати ўтиб қолган, яқин орада лицензия муддатини янгилайди.

- "Андижон" клубида молиявий муаммолар борми?
- Ҳозирги кунга келиб футболчилар олдида ҳеч қандай қарздорлик йўқ.