"Динамо": Сайфиев биринчи даврадаги энг яхши футболчиси

Овоз бериш якунларига кўра, Сирожиддин Сайфиев дастлабки давранинг энг яхши футболчиси деб топилди. Умумий овозларнинг 78 таси, яъни 44.3% фоизида мухлислар Сайфиевни тенгсиз дейишган.

Иккинчи ўринда жамоамизнинг украиналик посбони Андрей Мельничук қайд этилган. Дарвозабонга 52 (29.5%) мухлис овоз берган. Учинчи ўринда эса бир йўла икки футболчи қайд этилди, булар Александр Клецков 11 (6.3%) ва Абдулло Набиев 11 (6.3%) овоз билан.

Сўровномада шунингдек, мухлислар Комил Шарофутдинов 9 (5.1%), Акмал Бозоров 8 (4.5%) ва Азамат Бобожонов 7 (4%)ларга овоз беришган.

Мухлисларнинг танлови бежизга эмас, албатта. Асли яримҳимоячи бўлган Сирожиддин Сайфиев биринчи даврани қанот ҳимоячиси сифатида ўтказиб, 13 та учрашувда майдонга тушиб 4 та гол, 2 та голли пас узатишга эришганди.