"Динамо" - "Бухоро" учрашуви олдидан

«Динамо» стадиони томон мухлислар келиши бошланган. Ўйингоҳ кассаларида чипталар сотуви нақд ва пластик карталари орқали амалга оширилмоқда.

Иккинчи давра олдидан «Динамо» таркибида бир қатор ўзгаришлар содир бўлгани сабабли, бугунги ўйинга мухлисларнинг қизиқиши янада ошган. Умуман олганда, кўҳна ва қадимий Самарқанд ва Бухоро жамоалари ўртасидаги ўйинлар ҳар доим жуда қизиқарли ўтганлигини айтиб ўтиш мумкин. Қолаверса, собиқ «динамочилар»нинг «Бухоро» сафида тўп сураётганлиги ўйиннинг янада муросасиз курашларга бой ўтишини англатиб турибди. Шундай экан, «Динамо» стадионига келинг ва қизиқарли ўйинда севимли жамоангизни қўллаб-қувватланг!» - деб ёзади «Динамо» клуби расмий твиттери.