Дилшод Раҳматуллаев: "Икки жамоага ҳам 3 очко сув ва ҳаводек зарур"

Навбатдаги турда Қаршининг "Насаф" клуби ўз уйида Тошкентнинг "Пахтакор" жамоасини қабул қилади. Ушбу учрашувдан олдин "Насаф" клуби футболчиси Дилшод Раҳматуллаев ўз фикрларини билдириб ўтди.

"Пахтакор"га қарши жиддий тайёргарлик кўряпмиз. Биз фақат ғалаба қозониш учун майдонга чиқамиз. Ушбу учрашув иккинчи ўрин номини аниқлаб беради. Қолаверса иккинчи даврада "шерлар" ўз таркибини тажрибали футболчилар ва янги мураббий билан кучайтириб олди. Уларга қарши жуда ҳам ажойиб ўйин бўлади, деб ўйлайман. Айни дамда "аждарлар" оптимал формада. Рақибларимизга ҳам бизга ҳам 3 очко сув ва ҳаводек зарур. Биз ўз уйимизда тўп тепамиз. Айтишадику уйда деворлар ҳам ёрдам беради деб. Мухлисларимиз бизни қўллаб-қувватласа биз албатта ғалаба қозонамиз. "Пахтакор"га қарши йил ўйини бўлади"., - дейди Дилшод Раҳматуллаев.

Ушбу учрашув иккинчи ўрин номини аниқлаб беради.

Жаҳонгир Сотволдиев ёзиб олди