Денис Короститченко Сервер Жепаровнинг "Локомотив"ни тарк этишига муносабат билдирди

"Бу вазиятда ҳаммаси жуда қийин кечади. Кимнидир айблашга ҳаққим йўқ. Келишилган ўйинлар борасида гап-сўзлар тарқалганидан кейин жамоамиз қийин аҳволга тушиб қолди. Бошқа муаммолар ҳам бор эди. Буларнинг барчаси ўйинчиларнинг кайфиятига таъсир қилади. Ўзбекистон Кубогидан чиқиб кетиш эса жамоага руҳий зарба бўлди. Ҳозирги пайтда атмосфера яхши эмас.

Мен йигитлардан жуда хавотирдаман. Эндиликда ишлар жуда ёмон. Буни айтиш мен учун қийин, аммо “Локомотив”га Суперлигадаги ўрнини сақлаб қолиш осон бўлмайди. Мавсум бошида қайси ўринлар учун курашишни режалаштирганимиз ҳақида айтганларимни ҳисобга олсак, вазият жуда тез ўзгарди", – деди Коростиченко.

"Локомотив" Жепаровни истеъфога чиқарди