Денис Коростиченко: "Йирик ҳисобда ғалаба қозонишимиз мумкин эди"
19 апр 2022 21:50
Новости

Денис Коростиченко: "Йирик ҳисобда ғалаба қозонишимиз мумкин эди"

Ўзбекистон кубоги гуруҳ босқичи 3-туридан ўрин олган "Локомотив" – "Хоразм" (2:1) учрашувидан сўнг мезбонлар бош мураббийи Денис Коростиченко фикрларини билдирди.

"Қизиқарли ўйин гувоҳига айландик. Кераксиз голни ўтказиб юбориб, ўзимизга муаммо олиб келдик. Таркибда айрим футболчиларга дам олиш имконини бердик. Ёш футболчилар ўзларини кўрсата олишди. Ҳаттоки йирик ҳисобда ғалаба қозонишимиз мумкин эди. Хатоларни таҳлил қиламиз. Йигитларга алоҳида миннатдорчилик билдираман", – деди Коростиченко.

- "Локомотив"га қарши барча жамоалар икки ҳисса куч билан ўйнамоқда...

- Фикрингиз тўғри, чунки "Локомотив" топ-жамоа, бир неча бор Ўзбекистон чемпиони, Кубок соҳиби саналади. Шу боис бошқача иштиёқ билан ўйнашади. Кубокми, Суперлигами бунинг аҳамияти йўқ. Ўз ўйинимизни кўрсатишга ҳаракат қиламиз.

Албатта, майдонимиз аъло даражада. Барча нарса ўхшайди. Футболчилар ҳам роҳатланиб ўйнашади.

Ссылка :

Источник : championat.asia

Получайте новости прямо в Telegram!

Рейтинг: +2