Дембеле: “Барселона”да ўйнашни орзу қиламан”
04 авг 2017 00:31
Новости

Дембеле: “Барселона”да ўйнашни орзу қиламан”

Теги : Усмон Дембеле Боруссия Д Барселона

“Боруссия” Дортмунд ҳужумчиси Пьер Обамеянг Твиттер ижтимоий тармоғидаги саҳифасига аудиоёзув жойлаштирди.

Жамоатчиликнинг эътиборини қаратган ушбу твитда габонлик ҳужумчи жамоадоши Усмон Дембеленинг 2016 йил февралдаги интервьюсини жойлаштирган. Икки дақиқалик аудиоёзувда Дембеле ва журналист ўртасидаги суҳбатдан парча келтирилган. Суҳбат сўнгида ОАВ ходими Дембеледан қайси жамоада ўйнаш ниятида эканлигини сўраган, француз футболчиси эса: “орзуим “Барселона”да тўп тепиш” дея жавоб берган.

Бу ҳолатни кўпчилик Дембеленинг “Барселона”га ўтишига ишора деб тушунмоқда. Каталония клуби жамоани тарк этаётган Неймарнинг ўрнини айнан ушбу футболчи билан муносиб тарзда тўлдиришга ҳаракат қилмоқда.

Илгарироқ “Боруссия” раҳбарияти 100 миллион евро эвазига ушбу футболчининг трансфери борасида музокараларни бошлаши мумкинлиги ҳақида хабарлар чиққанди.

Ссылка :

Источник : www.mundodeportivo.com

Получайте новости прямо в Telegram!

Рейтинг: +6