Де Брюйне: “Олд Траффорд”да ҳар доим ғалабага эришиб, уйимиздаги учрашувларда нега қийналишимизни тушунмайман”

“Ўйлашимча, “Манчестер Юнайтед” бизга қарши аввалги ўйинларга қараганда бироз бошқача ўйнади. Улар прессинг қилишга интилишди ва 1-таймни яхши ўтказишди. Бироқ, 2-бўлимда биз кўпроқ вазиятларга эга бўлдик.

Имконият туғилганда, мен тўғри жойда бўлишим зарур. “Олд Траффорд”да ҳар доим ғалабага эришиб, уйимиздаги учрашувларда нега қийналишимизни тушунмайман. Бугун жуда яхши ўйнадик ва уч очкога лойиқ эдик.

Чемпионлик пойгаси эса ҳар бир учрашувда ғалаба қозонишни ўз ичига олади. Кеча “Ливерпуль” зафар қучди ва биз тўғри жавоб қайтардик. Баъзида керакли натижага эриша олмаяпмиз, аммо ҳар доим тўғри ўйнаймиз. Чемпионлик учун охиригача курашамиз”, дейди дербида дубл+ассист қайд этган де Брюйне.