Даврон Ҳошимов: "Самвел Бабаян мени қандай ўйнатишни билади ёхуд "Навбаҳор" учун ортга йўл йўқ"
07 фев 2022 07:07
Новости
![](https://championat.asia/upload/storage/681457_original.jpg)
![](/upload/storage/681457_220.jpg)
Даврон Ҳошимов: "Самвел Бабаян мени қандай ўйнатишни билади ёхуд "Навбаҳор" учун ортга йўл йўқ"
Куннинг иккинчи яримида "Навбаҳор"нинг машғулотида бўлган сайтимиз ходимлари бир қатор қизиқарли суҳбатлар уюштиришга эришди. Жамоанинг ўнг қанот ҳимоячиси Даврон Ҳошимов фикрлари билан ўртоқлашди.
Наманганликлар кетма-кет учинчи йилки қишки ўқув-машғулот йиғинларини Туркияда олиб бормоқда. Албатта клуб ўз имкониятидан келиб чиқиб футболчиларига шундай шароитни яратиб бераётгани яхши. Лекин бу сафарги йиғин нимаси билан фарқ қилмоқда? Даврон Ҳошимовнинг жавоби шундай бўлди:
- Тайёргарликни ҳар йилгига қараганда бошқача бошладик. Кўп нарсалар ўзгартирилди. Таркибимизга бир неча нафар янги ижрочилар келиб қўшилди. Мазкур йиғиндан максимал даражада фойдаланишимиз керак, деб ўйлайман.
Ўнг қанотдаги тезкор ва тажоввузкор ҳаракатлари билан рақиб ҳимоясини ёриб ўтиш қобилиятига эга футболчининг ўйинида сўнгги мавсумда пасайиш сезилди. Балки Самвел Бабаян бошчилигида у аввалги формасига қайтар.
- Ўйинимда пасайиш ўзимга ҳам сезилди. Ҳозирда керакли қоидаларга амал қилиб формамни тиклашга ҳаракат қиляпман. 2022 йилда олдимга катта мақсадни қўйдим. Устимда янада ишлаб терма жамоадан чақирув олмоқчиман. Самвел Бабаян билан "Пахтакор"да бирга ишлаганим боис "Навбаҳор"да ушбу мураббий билан янада ўсишим мумкин. Самвел Вячеславович мени қандай ўйнатишни билади.
"Навбаҳор" ҳар йили ОЧЛ йўлланмаси учун курашишни вазифа қилиб белгилайди. Лекин мавсум якунида бунинг акси кузатилади. Кўп нарсалари ўзгарган бу клубнинг жорий йилги режалари борасида Даврон Ҳошимов қуйидагича фикр билдирди.
- Мақсадимиз ОЧЛга йўлланма олиш. Фақат шунинг устида ишлаймиз. Биз учун ортга йўл йўқ.
Абдулазиз Искандаров
Похожие новости
![AMP Logo](https://championat.asia/image/logo-amp.png)
Комментарии