Даврон Файзиев: "Бугун мураббий сифатида ютқаздим. Раҳбариятдан истеъфо сўрайман"

Ўйин ҳақида

- Авваламбор, барчани ҳайит байрами билан табриклайман. Бугун ўз олдига юқори мақсад қўйган икки жамоа тўқнаш келишди. Мағлубият учун ҳеч бир футболчини айбламоқчи эмасман. Ўтган ўйиндан кейин раҳбариятга олдиндаги икки муҳим ўйинда ғалаба қозонмасак, менга рухсат беришларини сўрагандим. Балки дам олиш, бир оз чалғиш вақти келгандир. 

Бугунги ўйин ўтган йили Суперлигада "Сурхон" билан ўтган баҳсни эслатиб юборди. Ўша учрашувда ҳам худди шунақа воқеалар юз берганди.

- Мўмин Мелиевнинг алмаштирилиши юзасидан изоҳ берсангиз...

- Мелиев яхши ҳужучи. Бироқ, у буни майдонда ҳам исботлаши керак. Майдонга тушаётганда кўпроқ тўпсиз курашда ўйнашини айтгандим. Шунингдек, унинг ўрнига тушган Етовқўзиев ҳам мураббийни қониқтирадиган даражада ўйин кўрсатгани йўқ.

Шу ўринда бизни ҳамиша қўллаб-қувватлаб келаётган мухлисларимизга миннатдорчилик билдираман. Улар ғалабаларга ҳақли.

- Рақибнинг қизил карточкаси жамоангизнинг зарарига ишлади десак бўладими?

- Шундай дейиш ҳам мумкин. Чунки, биз "Локомотив"нинг 10 киши бўлиб қолишига тайёр эмасдек кўриндик.