Даврон Файзиев: "Бугун деярли 4 нафар ҳужумчи билан ўйнадик"

"Барча мухлисларни, раҳбариятни табриклайман. Дастлабки ғалабани қўлга киритиш жуда қийин бўлди. "Машъал" чақилмас ёнғоқ эканини барча билади. Бугун фақат ғалаба учун ўйнашимизни йигитларга таъкидлагандим. Зомин ҳам ўз уйимиз эканини ҳис қилдик. Бизни мухлислар қўллаб қувватлаб турди, бу жамоани олға бошлади. Шу боис барчани ғалаба билан табриклайман", - дейди Файзиев.

"Рақиб жамоага босим ўтказдик, бунинг оқибатида ҳимоячилар хато қилишди. Ғалаба қозонганларни муҳокама қилишмайди".

"Бунёдкор"га қарши ўйинда ўзимиз учун керакли натижага эришиш учун курашамиз. Барчаси майдонда ҳал бўлади".

"Бугун Муқим Тошматов бу мавсумда илк бор майдонга тушди. У ўз ўйини билан барчани лол қолдирди".

"Учрашувни 3та ҳужумчи билан бошлашимизга сабаб кўпроқ ҳужум қилишни истадик. Хаттоки тўртта ҳужумчи бўлди. Тошматов ҳам ҳужумда ўйнади, Ҳакимов, Ражабов ва Абдураҳмонов олдинда ҳаракат қилишди. Режамиз амалга ошди. Ҳозирги замонавий футболда 11 киши ҳужумда, 11 киши ҳимояда ўйнайди".