Дания футбол федерацияси: Ўйин яқин дақиқалардан бошлаб давом этади
12 июн 2021 23:12
Новости

Дания футбол федерацияси: Ўйин яқин дақиқалардан бошлаб давом этади

Европа чемпионати "B" гуруҳи 1-тури доирасидаги Дания – Финляндия ўйини тез фурсатларда яна бошланади.

Дания футбол федерацияснинг баёнот беришича, Дания ҳамда Финляндия ўртасидаги баҳс Тошкент вақти билан 23:30 дан давом эттирилади. Буни УЕФА ҳам тасдиқлади.

Биринчи бўлимнинг сўнгги 4 дақиқаси ўйналади ва 5 дақиқалик танаффус берилади. Кейин эса иккинчи бўлим бошланади.

Эслатиб ўтамиз, Европа чемпионати "B" гуруҳидан ўрин эгаллаган Дания – Финляндия баҳсининг биринчи бўлими давом этаётган пайтда Кристиан Эриксен юрак хуружи туфайли майдонга йиқилди. 29 ёшли Эриксенга чуқур тиббий текширув зарурлиги маълум қилинди. Бироқ футболчи ўз ҳушига келган.

Алоҳида айтиш керакки, бош ҳакам Энтони Тейлор ҳамда шифокорлар тез реакция кўрсатиб, Эриксеннинг ҳаётини сақлаб қолишда муҳим ўрин тутишди. Футболчи зудлик билан шифохонага олиб кетилди.

Ссылка :

Источник : championat.asia

Получайте новости прямо в Telegram!

Рейтинг: +4