Чичарито: "Бизни Германияга қарши қийин ўйин кутмоқда"
28 июн 2017 20:46
Новости
![](https://championat.asia/upload/storage/261608_original.jpg)
![](/upload/storage/261608_220.jpg)
Чичарито: "Бизни Германияга қарши қийин ўйин кутмоқда"
Бугун Португалия ва Чили ўзаро беллашса, эртага Германия ва Мексика финал учун кураш олиб боради. Эртанги учрашув олдидан мексикаликлар ҳужумчиси Хавьер Эрнандес фикрларини билдириб ўтди.
"Мен 2 йил Бундеслигада ўйнадим ва немис жамоасини яхши биламан. Уларда 23 нафар ёш ва кучли ўйинчи бор ва Лёв кимга ишонишини олдиндан аниқ айтиш қийин. Ҳар қандай ҳолатда ҳам бу биз учун қийин ўйин бўлади. Биз исталган таркиби билан кучли бўлган Германияни мағлуб этиш учун ўзимизнинг энг яхши сифатларимизни кўрсатишга ҳаракат қиламиз.
Бизнинг таркибимиз жуда ҳам курашувчан йигитлардан ташкил топган, бунда уларнинг Европа ёки Мексикада ўйнаши муҳим эмас. Машғулотларда КК-2017да ўйнаган ва ўйнамаганлар бирдек мехнат қилмоқда. Ҳеч ким захирада ўтиришни истамаслиги тушунарли. Лекин, атмосфера ажойиб. Ҳамма жамоа манфаати йўлида ўз имкониятини кутишга тайёр. Биз учун бу муҳим мусобақа. Ўзингиз ўйлаб кўринг, биз Жаҳон чемпионатига бир йил қолганда сайёрамизнинг амалдаги чемпиони билан ўйнаймиз. Финалга чиқишга умид қиламиз", - деди Чичарито.
Похожие новости
![AMP Logo](https://championat.asia/image/logo-amp.png)
Комментарии