"Челси"нинг 80 млн евролик футболчиси мавсум охиригача сафдан чиқди
06 апр 15:56
Новости

"Челси"нинг 80 млн евролик футболчиси мавсум охиригача сафдан чиқди

Жароҳат туфайли у 500 кундан ортиқ вақт ўйинлардан четда қолди.

"Челси"нинг франциялик ҳимоячиси Уэсли Фофана навбатдаги жароҳати сабабли мавсумнинг қолган қисмини ўтказиб юборади.

Футболчининг мушак жароҳати олгандан кейинги текширув натижалари жарроҳлик амалиёти зарурлигини кўрсатди. Кеча у сонининг орқа қисмидан муваффақиятли операция қилинди.

Шунингдек, Фофана Клублар ўртасидаги ЖЧда ҳам иштирок эта олмаслиги кутилмоқда.

Transfermarkt маълумотларига кўра, франциялик ўйинчи "Челси"да 2022/23 йилги мавсумдан буён жароҳатлар туфайли 564 кун майдондан ташқарида қолди. Бу вақт ичида у Лондон клубининг 95 та ўйинида қатнашмади.

Лондонликлар уни 2022 йил августида "Лестер"дан 80 млн еврога сотиб олган эди.

Ссылка :

Источник : London Evening Standard

Получайте новости прямо в Telegram!

Рейтинг: