"Челси"га қарши ўйин қадномасида Рамос, Марсело, Менди ва Вальверде бор. Варан Лондонга учмади

Ярим ҳимоячи Федерико Вальверде коронавирусга манфий тест топширди ва қайдномага киритилди. Шунингдек, жамоа ҳимоячиси Марсело Мадрид Ассамблеясидаги сайлов маш-машаларидан "қутилиб", навбатдаги ўйинга жамоа билан бирга йўл олди.

Қайдномага жамоа сардори Серхио Рамос, чап қанот ҳимоячиси Ферлан Менди ҳам қайтганини алоҳида таъкидлаш лозим. Бироқ марказий ҳимоя вакили Рафаэль Варан жароҳати сабаб бу беллашувни ўтказиб юборади.