"Челси" Рэмсдейлга қизиқмоқда. Посбон "Арсенал"да ўз ўрнини деярли йўқотиб бўлди

"Арсенал" клубининг олдинги мавсувдаги асосий дарвозабони Аарон Рэмсдейл "Челси"га ўтиши мумкин. Лондон клуби Ааронни сотиб олишни мақсад қилган. Рэмсдейл "Арсенал"да ўз ўрнини Давид Райяга деярли топшириб бўлди. Сентябрнинг ўрталаридан бери "тўпчилар" дарвозасини Райя қўриқламоқда. 

"Челси" Аарон Рэмсдейлни қишки трансферлар ойнасида ўз сафига қўшиб олишга уриниб кўради. Лондонликлар дарвозабон Роберт Санчеснинг ёмон формасидан ташвишда. Рэмсдейлнинг ўзи "Челси"га ўтишга рози бўладими, йўқми, буниси номаълум. Сабаби, клуб ЕЧЛда иштирок этмайди. 

Маълумот учун, Аарон Рэмсдейл ушбу мавсум АПЛда тўртта ўйинда майдонга тушиб, тўртта гол ўтказиб юборди.