“Челси” Кантега ўринбосар борасида бир қарорга келди

“Челси” ёзги трансферлар вақтида Нголо Канте билан хайрлашадиган бўлса, унинг ўрнига “Вест Хэм”дан Деклан Райс олиб келинади. Аввалроқ Кантенинг “Реал”га ўтиши мумкинлиги айтилганди.

Деклан — “Челси” тарбияланувчиси. У 18 ёшидан бери “Вест Хэм” асосий таркибида тўп тепиб келади. Райс ҳам “Челси”нинг ёш ўйинчилари билан дўстлигини яширмай келади. Унинг Мэйсон Маунт билан алоқаси жуда яхшилиги маълум.

“Челси” Райсни ортга қайтариш учун жиддий курашишига тўғри келади. Футболчига АПЛ жамоаларидан ташқари Ла Лигадан ҳам таклифлар бор.